نەیارانی رەگەزپەرستی پەیکەری یەکەم سەرۆکوەزیرانی کەنەدایان شکاند

SNN

خۆپیشاندەرانی نەیاری رەگەزپەرستیی پەیکەری یەکەم سەرۆکوەزیرانی کەنەدایان تێکشکاند کە ساڵی 1815 – 1891 لەو پۆستەدا بووە.

ئەمڕۆ یەکشەممە لە شاری مۆنتریالی کەنەدا خۆپیشاندەران پەیکەری جۆن ماکدۆناڵدیان رووخاند کە لە ناوەڕاستی شارەکە بۆی دروستکرابوو.

کەناڵی سی بی سی بڵاویکردۆتەوە، دوای چالاکییەکی ژمارەیەک چالاکوانی دژ بە رەگەستپەرستی رووداوەکە روویداوە کە داوایانکردووە پێدانی بودجە و پارە بە پۆلیس رابووەستێت.

دوای دروستبوونی گرژیی خۆپیشاندەران چوونەتە باخچەیەکی نزیک لە گردبوونەوەکە و بە پەتێکی گەورە پەیکەرەکەیان خستۆتە خوارەوە و سەریان لە لاشەی جیاکردۆتەوە.

ڤالێری بلانت سەرۆکی شارەوانی مۆنتریال رایگەیاند “رووداوەکە نیگەرانی کردووین و دەست بە لێکۆڵینەوە دەکەین”.

خۆپیشاندەرانی ناڕازیی جۆن ماکدۆناڵد بە ئەندازیاری جینۆسایدی کەنەدییە ئەسڵییەکان دەزانن و پێیانوایە ئەو هۆکاری تەشەنە سەندنی رەگەزپەرستییە.