کەناڵێکی عێراقی بەهۆی پەخشکردنی گۆرانی لە ڕۆژی عاشورادا داخرا

SNN

کەناڵی ئاسمانی دیجلە لە پارێزگای میسان بڕیاری داخستنی دراوە بەهۆی ئەوەی لە ڕۆژی 10 ی موحەڕەمدا گۆرانی پەخشکردووە، ئەمەش جۆرێکە لە بێڕێزی.

عەلی دەوای پارێزگاری میسان بەیاننامەیەکی بڵاوکردەوەو تێیدا هاتووە لە کاتێکدا کە ملیۆنان هاووڵاتی عێراقی و موسڵمان لە سەرتاسەری جیهان دێنە دەرەوە و رێز لە ساڵیادی شەهیدبونی ئیمام حسێن دەگرن بەمەبەستی پشتگیری مرۆڤایەتی لە بڵاوکردنەوەی ئاشتی و رەتکردنەوەی زوڵم و گەندەڵی، کەناڵی ئاسمانی دیجلە بەبێ گوێدانە ئەم یادە سەرلەبەیانی رۆژی عاشورا بەرنامەکانی موزیک و گۆرانی خۆی پەخشکردووە.

ئاماژەی بەوەشکردووە کە ئەو کەناڵە بەبێ ئەوەی لە هەستی ماتەمگێڕانی ئەو رۆژە تێبگات، بۆیە بڕیاردرا کارەکانی ئەو کەناڵە لە پارێزگاکە رابگرن و لایەنە پەیوەندیدارەکانیش رێکارە یاساییەکان جێبەجێدەکەن، داواش دەکات هاووڵاتییان بایکۆتی کەناڵەکە بکەن، تا ئەو کاتەی داوای لێبوردن لە هاووڵاتییان دەکەن.