پۆلیسى گەرمیان هۆشدارى دەدات: رێژەى کوشتن بە ئەنقەست زیادیکردووە
لێکۆڵینەوەى پۆلیس لەکاتى تاوانێکدا | فۆتۆ: Tony Webster / Flickr
SNN- سيروان حەسەن
بەپێی ئامارەكان لە سنوورى گەرميان لە ماوەى هەشت مانگى رابردوودا 14 پياو بە ئەنقەست و يەك كەسيشيان بەهەڵە كوژراوە، بە وتەى پۆليسیش “رێژەى كوشتن زۆر زيادى كردووە”.
عەلى قەدورى، وتەبێژی پۆلیسی گەرميان بەSNNى راگەياند: لە ماوەى هەشت مانگى رابردووى ئەمساڵ لە سنوورى گەرميان 14 كەس لە رەگەزی نێر كە پياو و گەنج بوون، كوژراون”.
وتيشى: “13 كەسيان بە ئەنقەست بەهۆى كێشەى کۆمەڵایەتییەوە كوژراون و يەك كەسيشيان بەهەڵە كوژراوە، دەتوانین بڵێین لە سنوورى گەرميان رێژەی كوشتن زۆر زياتر بووە”.
سەبارەت بە ئەنجامدەرانى ئەو تاوانانە وتەبێژی پۆلیسی گەرميان روونيشيكردەوە: “تۆمەتبارەکان هەموويان دەستگيركراون و تەنيا يەك كەسيان نەبێت كە هەڵهاتووە و لێکۆڵینەوەکان بۆ مەبەستی دەستگيركردنى بەردەوامە.
