شای سعودیە فەرماندەی هێزە هاوبەشەکانی لەکار دوورخستەوە و رەوانەی دادگا کرا

SNN

شا سەلمان عەبدولعەزیز لە فەرمانێکی دیوانیی شاهانەدا کۆتایی بە راژەی فەهەد بن تورکی بن عەبدولعەزیز فەرماندەی هێزەکانی سوپا هێنا و پاش خانەنشینکردنی رەوانەی دادگای کرد بۆ لێکۆڵینەوە.

هەر بەپێی فەرمانەکە، جێگری میری ناوچەی جوف-یش لەپۆستەکەی دوور خرایەوە و ژمارەیەک ئەفسەری وەزارەتی بەرگریش نێردران بۆ لێکۆڵینەوە.

هۆکاری دەرکردنی ئەو فەرمانە شاهانەیە بوونی گەندەڵی و بەهەدەردانی پارەیە لەناو دامەزراوەکانی وەزارەتی بەرگری و گومانلێکراوان رەوانەی دادگایەکی سەربازیی کراون.

شا سەلمان لە فەرمانێکی تری شاهانەیدا فەریق روکن موتڵیق بن سالم-ی وەک جێگری سەرۆکی ئەرکانی گشتی دیاریکرد ئەرکی فەرماندەیی هێزە هاوبەشەکان رابپەڕێنێت.

هاوکات شا سەلمان داوای لە دەستەی چاودێری و قەڵاچۆ کردنی گەندەڵیی کردووە دەست نەپارێزێت لە هیچ سزایەک و بڕیاری خۆی بە شەفافانە بدات.