گرنگترین مانشێتی ئەمڕۆ چوارشەممە 2/9/2020ی رۆژنامە وەرزشییەکانی ئیسپانیا

SNN Sport

ئەمڕۆ  چوارشەممە (2/9/2020) گرنگترین مانشێتی رۆژنامەکانی ئیسپانیا بەمشێوەیە بوو…

مۆندۆ دیپۆرتیڤۆ:

• رووبەڕووبوونەوەی بارتۆمیۆ و خۆرخێ میسی باوکی میسی.
• خۆرخێ میسی داوا لە بارتۆمیۆ دەکات بە ئازاد رێگە بە میسی بدات یانەکە جێبهێڵێت و دەیەوێت رێککەوتنێکی دۆستانە بکات،بەڵام بەرشەلۆنە دەڵێت میسی گرێبەستی هەیە و گفتوگۆ بۆ رۆشتنی ناکەین.
• یانەی بەرشەلۆنە ئامادە دەبێت گرێبەستی میسی تا دەستپێکردنی مۆندیال نوێ بکاتەوە.

سپۆرت:

• لاوتارۆ زۆر نزیکتر دەبێتەوە لە بەرشەلۆنە.
• یانەی بەرشەلۆنە هەفتەی داهاتوو چاوەڕوانی وەڵامی یانەی ئینتەرمیلان دەکات پێش ئەوەی ئەو یاریزانە بڕیاری خۆی بدات.
• دانانی ئارتۆرۆ ڤیدال لە گرێبەستی لاوتارۆ لەوانەیە لە بەرژەوەندی بەرشەلۆنە بێت .
• فایناڵدۆم رەزامەندی نیشانداوە پەیوەندی بە یانەی بەرشەلۆنە بکات و گفتوگۆی نێوانیان بەرەوپێشچوونی زۆری بە خۆیەوە بینیوەو گرێبەستەکە لە 20 ملیۆن یۆرۆ زیاتر نابێت.

مارکا:

• چاوپێکەوتنێکی تایبەت لەگەڵ سەرۆکی یانەی سڤییا خۆسیە کاسترۆ:” بۆچی ناتوانین خەون بە بردنەوەی نازناوی لالیگا ببینین”.
• کاسترۆ داوا دەکات نازناوی لالیگای وەرزی نوێ بباتەوە، چونکە یەکێکن لە باشترین یانەکانی جیهان ومێژووی هەیە، لەگەڵ لۆپتیگی  سەرکردەیەکی بە ئەزموونی هەیە.
• لوتکەی بەیڵ لە ئاسۆیە، پێرێزی سەرۆکی ریاڵ مەدرید لەگەڵ بارنێتی بریکاری ئەو یاریزانە کۆدەبێتەوە بۆ چارەسەری کێشەکانی.

ئاس:

• ریاڵ مەدرید کارەکانی فرۆشتنیان خێراتر دەکات.
• سیبایۆس وبراهیم دیاز بە خواستن پەیوەندی بە یانەکانی ئارسناڵ و ئەیسی میلان دەکەن.
• جەیمس ماڵئاوایی کردووەو رۆشتنی نزیکە.
• لەوانەیە ماریانۆ دیاز و ریگیلۆن دوای ئەم یاریزانانە یانەکە جێبهێڵن،بەڵام رۆشتنی بەیڵ زۆر ئاڵۆزە.