بازرگانێک و سێ بەکارهێنەری ماددەی هۆشبەر دەستگیرکران
وێنەی چوار تۆمەتبارەکە
SNN
بەڕێوەبەرایەتی ئاسایشی ڕۆژئاوای سلێمانی رایدەگەیەنێت “بازرگانێک و سێ بەکارهێنەری ماددەی هۆشبەریان لە چەمچەماڵ و بازیان دەستگیرکردووە”.
ئەو بەڕێوەبەرایەتییە دەڵێت: “لەپێناو سەقامگیری کۆمەڵگا و پاراستنی تەندروستی هاووڵاتییاندا، پاش کۆکردنەوە و بەدەستهێنانی زانیاری، هێزەکانیان لەبەڕێوەبەرایەتی ئاسایشی ڕۆژئاوای سلێمانی (4) کەسیان دەستگیرکردووە” .
بەپێی راگەیەنراوێکی بەڕێوەبەرایەتی ئاسایشی رۆژئاوای سلێمانی، تۆمەتبارەکان یەکێکیان دانیشتووی ناحیەی شۆڕشی سەربە قەزای چەمچەماڵە و (3) کەسەکەی دیکەش دانیشتووی ناحیەی بازیانن .
لە کاتی لێکۆڵینەوە و ڕێکخستنی پەڕاوی لێکۆڵینەوە بۆیان، بەپێی شاهیدەکان، دەرکەوتووە یەکێکیان بازرگانە و سیانەکەی تریش بەکارهێنەرن .
لەئێستادا بەبڕیاری دادوەری دادگای لێکۆڵینەوەی چەمچەماڵ بەپێی ماددەی (14) هۆشبەر ڕاگیراون و لێکۆڵینەوە بەردەوامە .
