ناوەڕۆکی کۆبوونەوەکەی نێچیرڤان بارزانی و ئەردۆغان بڵاودەکرێتەوە
سەرۆکایەتی هەرێمی کوردستان ناوەڕۆکی کۆبوونەوەی ئەمڕۆی نێوان نێچیرڤان بارزانی سەرۆکی هەرێم و رەجەب تەیب ئەردۆغان سەرۆککۆماری تورکیای بڵاوکردەوە و رایگەیاند: پەیوەندییەکانی نێوان هەرێم و بەغدا و پەیوەندییە بازرگانییەکانی نێوان تورکیا و هەرێم تاوتوێ کراوە.
لە راگەیەندراوێکی سەرۆکایەتی هەرێمی کوردستاندا بڵاوکراوەتەوە: “هەردولا لە کۆبوونه‌وه‌كه‌دا جه‌ختيان له خواستى دوولايه‌نه بۆ بره‌ودان به په‌يوه‌ندييه‌كانى هه‌رێمى كوردستان و توركيا، به‌تايبه‌تى فراوانكردن و به‌رزكردنه‌وه‌ى ئاستى ئالوگۆڕى بازرگانى و هاريكارى و هاوبه‌شيى ئابوورى كرده‌وه، هه‌روه‌ها تيشكيان خسته سه‌ر ده‌رفه‌تى كار و وه‌به‌رهێنانى توركى له كه‌رته جياوازه‌كانى هه‌رێمى كوردستاندا”.
ئەوەش خراوەتەڕوو: “هەردوولا پوخته‌يه‌كيان له‌باره‌ى بڵاوبوونه‌وه و به‌ره‌نگاربوونه‌وه‌ى په‌تاى ڤايرۆسى كۆرۆنا و لێكه‌وته‌كانى خسته ڕوو، له‌مباره‌يه‌شه‌وه سه‌رۆكى توركيا دووپاتىكرده‌وه كه وڵاته‌كه‌ى بۆ هه‌موو جۆره يارمه‌تيدان و هاوكارييه‌كى هه‌رێمى كوردستان ئاماده‌يه و هه‌موو پێداويستييه‌كى ته‌ندروستى و پزيشكى پێشكه‌ش ده‌كه‌ن”.
لە ڕاگەیەندراوەکەی سەرۆکایەتی هەرێمدا ئەوەش ئاشکراکراوە، “له ته‌وه‌رێكى ديكه‌ى كۆبوونه‌وه‌كه‌دا باس له گفتوگۆکانی حكومه‌تى هه‌رێمى كوردستان و حكومه‌تى فيدراڵى عێراق و دوايين هه‌نگاوه‌كان بۆ چاره‌سه‌كردنى كێشه‌كان و ئاڵۆزييه‌كانى سنوور كرا، هه‌روه‌ها دۆخى گشتيى عێراق و هه‌وڵه‌كانى بۆ به‌ره‌نگاربوونه‌وه‌ى مه‌ترسييه‌كانى داعش خرانه به‌ر باس”.
سەرۆکی هەرێمی کوردستان سەر لەبەیانی ئەمڕۆ هەینی بەسەردانێک گەیشتە تورکیا و لەگەڵ وەزیری دەرەوەی ئەو وڵاتە کۆبووەوە، مەولود چاوشئۆغلو لەوبارەیەوە لە تویتێکدا نوسیبووی: “گفتوگۆ لەبارەی هەوڵە هاوبەشەکانمان لە شەڕی دژ بە پەکەکە دەکەین”، دواتریش چاوی بە سەرۆککۆماری تورکیا کەوت.
