ژمارەیەک کۆچبەری کورد لە دەریای ئیجە دەستگیرکران
دیمەنی ژمارەیەک کۆچبەر، ئەرشیف
SNN
بەرەبەیانی ئەمڕۆ 130 کۆچبەری کورد و نەتەوە جیاوازەکانی دیکە، لەلایەن هێزی دەریاوانی تورکیاوە دەستگیرکران.
میدیاکانی تورکیا بڵاویانکردەوە، کۆچبەرەکان لەناو یەختێکی کۆندا بوون بەناوی zafer Reis، لە ناوچەی چێسبەی تورکیا بەرەو دوورگەی خیۆس-ی یۆنان کۆچیان کردووە کاتێک لەلایەن هێزی دەریاوانی تورکیاوە دەستگیرکراون.
بە گوێرەی میدیاکان کۆچبەرەکان کورد و عێراقی و ئەفغانی و پاکستانی و فەڵەستینی بوون.
لەدوای دەستگیرکردنیان رادەستی لایەنە پەیوەندیدارەکانی تورکیا کران لە شاری ئیزمیر.
