ژماره‌ى مردن به كۆرۆنا له عێراق گه‌یشته 7657 كه‌س
نه‌خۆشخانه‌ى (شه‌هید تاهیر عه‌لى والى به‌گ) تایبه‌ت به كۆرۆنا له سلێمانى | فۆتۆ: SNN
SNN
كه‌مێك له‌مه‌وبه‌ر وه‌زاره‌تى ته‌ندروستیی عێراق ئامارى 24 كاتژمێرى رابردووى تووشبوون به ڤایرۆسى كۆرۆناى بڵاوكرده‌وه و رایگه‌یاند: 4 هه‌زار و 894 حاڵه‌تى نوێى تووشبوون به ڤایرۆسى كۆرۆنا ده‌ستنیشانكراون، 86 تووشبوو گیانیان له‌ده‌ستداوه و 3 هه‌زار و 465 تووشبوو چاكبوونه‌ته‌وه.
له راگه‌یه‌نراوێکدا که ئه‌مڕۆ سێشه‌ممه بڵاوکراوه‌ته‌وه وه‌زاره‌تى ته‌ندروستیی عێراق ئاشکرایکردووه: ” 4 هه‌زار و 894 حاڵه‌تى نوێى تووشبوون به کۆرۆنا ده‌ستنیشانکراون”.
له‌باره‌ى حاڵه‌ته‌کانى چاکبوونه‌وه‌‌وه وه‌زاره‌تى ته‌ندروستى ئاماژه‌ى به‌وه‌شکردووه، “له ماوه‌ى شه‌و و رۆژى رابردوودا 3 هه‌زار و 465 تووشبووى کۆرۆنا چاکبوونه‌ته‌وه و ڤایرۆسه‌که‌یان تێپه‌ڕاندووه”.
وه‌زاره‌تى ته‌ندروستى له به‌یاننامه‌که‌یدا رێژه‌ى مردنیشى خستووه‌ته‌ڕوو و که تێیدا هاتووه، “ 86 تووشبوو به ڤایرۆسه‌که گیانیان له‌ده‌ستداوه”.
به‌پێى ئاماره‌کان له سه‌ره‌تاى بڵاوبوونه‌وه‌ى ڤایرۆسى کۆرۆنا له عێراق تاوه‌کو ئێستا 269 هه‌زار و 578 که‌س تووشى ڤایرۆسه‌که بوون، 198 هه‌زار و 560 تووشبوو چاکبوونه‌ته‌وه، 505 تووشبوو له‌ژێر چاودێرى چڕدان و 7 هه‌زار و 657 تووشبوو گیانیان له‌ده‌ستداوه، له ئێستادا 55 هه‌زار و 597 تووشبوو چاره‌سه‌ر وه‌رده‌گرن.
