“حكومهت دهیهوێت بڕیارى وهرگرتنى 30 ههزار له بارههڵگرهكان له ههموو بازگهكان جێبهجێبكات”
لۆگۆى حكومهتى ههرێمى كوردستان | فۆتۆ: SNN
SNN – عەلی حەمە سەعید
ئهندامێكى پهرلهمانى كوردستان رایدهگهیهنێت: ئهو 30 ههزارهى له بازگهكانى شارى ههولێر له بارههڵگرهكان وهردهگیرێت سهرانهیه و ناچێته ژێر چهترى هیچ بڕیارێكى حكومهت دهشڵێت: “كاریگهرى خراپى دهبێت لهسهر بهرزبوونهوهى كاڵا و شمهك”.
عەلی حەمە ساڵح، ئەندامی لیژنەی دارایی و كاروباری ئابووری له پەرلەمانی كوردستان بە SNNی راگەیاند: “بە بڕیارێك كە پەیوەندی بە وەزارەتی ناوخۆوە هەیە و لە بازگەكانی شاری هەولێر خراوەتە بواری جێبەجێكردنەوە، هەر بارهەڵگرێك لە سێ تۆن زیاتری هەڵگرتبێت و بیەوێت بچێتە ناو شاری هەولێر بەناوی پشكنین(سۆنەر)ەوە بڕی 30 هەزار دیناری لێ وەردەگیرێت”.
وتیشى: “لە راستیدا ئەمە سەرانەیە و لهلایهن كۆمپانیا حزبییهكانهوه كۆدهكرێتهوه و بۆ گیرفانى ئهوان دهچێت، له كۆتایشدا ئهو پارهیه ناگهڕێتهوه بۆ خهزێنه حكومهت”.
ئهو پهرلهمانتاره لهبارهى ههوڵهكانیان وهك لیژنهى ئابوورى پهرلهمانى كوردستان بۆ راگرتنى ئهو دیاردهیه، ئهوهشى خستهڕوو :”بەدواچوونەكانمان دەستپێكردووە بۆ راگرتنی ئەو بڕیارە و وەرنەگرتنی ئەو بڕە پارەیە، چونكە لە بەرنامەدا هەیە لە هەموو بازگەكانی هەرێمی كوردستان بخرێتە بواری جێبەجێكردنەوە”.
به وتهى عهلى حهمهساڵح، “ئهم بابهته دواجار بە زیانی هاووڵاتییان دەشكێتەوە، چونكە كاریگەری لەسەر بەرزبوونەوەی نرخی كاڵا و شمەك دەكات”.
