بەرپرسێکی باڵای کارەبا بەهۆی دیار نەمانی نیو ملیۆن لیتر گازەوە دەستگیر کرا
دەستگیرکردن
SNN
دەستەی دەستپاکیی عێراق ئەمڕۆ چوارشەممە رایگەیاند “بەڕێوەبەری وێستگەی گازیی موسڵ بەهۆی دیار نەمانی زیاتر لە نیو ملیۆن لیتر گازەوە دەستگیر کراوە”.
فەرمانگەی یاسایی سەر بە دەستەکە دەڵێت: “بڕی دیار نەماو لەو گازە 500 هەزار لیتر بووە و تۆمەتبار تائێستا ئەو تۆمەتانەی سەری رەتدەکاتەوە”.
بەیاننامەیەکی دەستەکە-ش دەڵێت: “کۆنووسی تۆمەت بۆ ناوبراو کراوەتەوە بێئەوەی ناوی بهێنێت و بەپێی ماددەی 340 لە یاسای سزادان لەسەر یاداشتی دادوەری دادگای لێکۆڵینەوەی نەوینەوا ئەو بەرپرسە راگیراوە تا رۆژی دادگاییکردنی”.
