پەرلەمانتارێکی هەدەپە: حکومەتی تورکیا پرسی کۆرۆنا لە گرتووخانەکاندا دەشارێتەوە

SNN

پەرلەمانتارێکی پارتی دیموکراتی گەلان (هەدەپە) رایدەگەیەنێت “لە گرتووخانەکانی وڵاتەکەیدا بەشێوەیەکی بەربڵاو کۆرۆنا بڵاوبۆتەوە و حکومەتیش ژمارە راستەقینەکانی تووشبووان دەشارێتەوە”.

عومەر فاروق جەرجيرلي ئوغڵو هۆکاری شاردنەوەی ژمارەی راستەقینەی تووشبووانی کۆرۆنا لەلایەن حکومەتەوە بۆ ئەوە دەگێڕێتەوە تا هیچ گیراوێک بەهۆکاری کۆرۆنا ئازاد نەکات.

ئەو پەرلەمانتارەی هەدەپە دەشڵێت: “لە مانگی حوزەیرانی رابردووەوە حکومەتی تورکیا ئاماری راستەقینەی تووشبوونی کۆرۆنای لە بەندیخانەکان رانەگەیاندووە”.

ئەو پەرلەمانتارە کە ئەندامی لیژنەی مافی مرۆڤیشە، دەڵێت: “هەفتەی رابردوو بەندکراوێک بەناوی مستەفا کاباکچی دوای تووشبوونی بە کۆرۆنا لەناو زینداندا گیانیلەدەستداوە”.

لە ئێستادا دوایین ئاماری کۆرۆنا لە تورکیا 90 هەزار تووشبووە و 7 هەزار مردنیشی هەیە.

عومەر فاروق جەرجيرلي ئوغڵو