لە شەش مانگدا کۆرۆنا بە بەهای نیو تریلیۆن دۆلار زیان بە کەرتی گەشتیاری دەگەیەنێت

SNN

بۆ یەکەمجار لە مێژوودا بەهۆی بڵاوبوونەوەی ڤایرۆسی کۆرۆنا کەرتی گەشتیاری تەنیا لە شەش مانگی یەکەمی 2020دا 460 مليار دۆلار زیانی بەردەکەوێت.

هەروەها رێژەی گەشتیاران لە جیهاندا بەرێژەی %65 کەمیکردووە، زیانێکی زۆر بەر ئەو وڵاتانە کەوتووە کە پشت بە کەرتی گەشتیای دەبەستن، ئەم زیانانەی کە لە 2020دا بەر کەرتی گەشتیاری کەوتووە پێنج هێندەی قەیرانە ئابوورەیە دەبێت کە لە ساڵی 2009دا جیهان رووبەڕووی بوویەوە.

ئەمینداری گشتی رێکخراوی گەشتی جیهانی زوراب بوبولیکاشیفی رایگەیاند: ملیۆنان کارمەن و فڕکەوان و بەهۆی قەیرانی کۆرۆنا و کەمبوونەوەی گەشتەوە کارەکانیان لەدەستداوە، لەگەڵ ئەوەشدا چەندین کۆمپانیای گەورەی گەشتیاری و فڕۆکەوانی جیهانی مایەپووچۆ خۆیان راگەیاندووە.

ئەو رێکخراوە ئاماژە بەوەش دەکات کە جیهان چوار ساڵی پێویستە بۆ ئەوەی وەک 2019 کەرتی گەشتیاری دووبارە ببوژێتەوەو هاووڵاتییان لە سەرتاسەری جیهاندا دەست بە گەشت و بەکارهێنای فڕۆکە بکەنەوە.