تاپۆكردنى گهڕهكه زیادهڕۆكانى كهلار دهستيپێكرد
قهزاى كهلار له ناوهندى ئیدارهى گهرمیان | فۆتۆ: SNN
SNN – سیروان حهسهن
دواى ئهوهى جێگرى سهرۆكى حكومهتى ههرێم بڕیاریدا به تاپۆكردنى گهڕهكه زیادهڕۆكانى كهلار له ئێستادا بڕیارهكه كهوتووهته بوارى جێبهجێكردنهوه و له كۆى ههشت گهڕهك پێنج گهڕهكیان دهتوانن داواكارى پێشكهش بكهن.
ئهكرهم ساڵح، سهرۆكى شارهوانى كهلار به SNNى راگهیاند: “له شارى كهلار ژمارهیهك گهڕهك ههیه كاتى خۆى بهشێوهى زیادهڕۆ دروستكراون، له ئێستادا شارهوانى كهلار سهرقاڵى دانانى نهخشهى بنهڕهتییه بۆ ئهو گهڕهكانه بۆ ئهوهى دواتر تاپۆ بكرێن”.
وتیشى: “بەپێی یاسای ژمارە 3ی ساڵی 2019 پەرلەمانی کوردستان دەستمان كردووە بە دروستكردنی نەخشەی بنەڕەتی بۆ ئەو گەڕەكانە و له ئێستادا پێنج گهڕهك تهواوبووه و هاووڵاتییانى ئهو گهڕهكانه دهتوانن داواكارى بۆ تاپۆكردن پێشكهش بكهن”.
سهرۆكى شارهوانى كهلار باسی لهوهشكرد: “سێ گهڕهكى دیكهمان ههیه ئهوانیش نهخشهی بنهڕهتیان بۆ كراوه ماوهتهوه ئیفراز بكرێن، دواى ئهو قۆناغه به ههمانشێوه ئهو هاووڵاتیاینهى لهو سێ گهڕهكه نیشتهجێن دهتوانن سهردانمان بكهن به مهبهستى رایكردنى مامهڵهكانیان”.
له دواى ساڵى 1991 له سنوورى كهلار و گهرمیان به گشتى لهبهر بارودۆخى ئابوورى و دهركردنى هاووڵاتییان له ناوچه كێشه لهسهرهكان و چۆڵبوونى گوندهكان ژمارهیهك گهڕهكى زیادهڕۆ دروستكراون و له ساڵانى پێشوو قوباد تاڵهبانى، جێگرى سهرۆكى حكومهتى ههرێم بڕیاریدا به تاپۆكردنى ئهو گهڕهكانه.
