له پاریس دهستدرێژییهكی دڕندانه بۆ سهر دوو خوشكی ریاز مەحرەز ئەنجام دەدرێت
مەحرەز و دوو خوشکەکەی
SNN Sport
رۆژنامهیهكی بەریتانی ئاشكرایكرد كه ههردوو خوشكی ریاز مەحرەز ئهستێرهی یانهی مانچستهرسیتی ،رووبهڕووی لێدانێكی توند و دهستدرێژییهك بوونەتەوە، کە رۆژنامهكه به (دڕندانه) وسفی كردووە، ئەمەش پاش ئەوەی له لایهن كۆمهڵێک کە له 12 كهس پێكهاتبوون ئەنجامدراوە.
رۆژنامهی (سهن)ی بەریتانی ئاماژهی بۆ ئهوه كرد كه ههردوو خوشکەکەی مەحرەز ( دونیا و ئیناس ) سەرسامبوون به هێرشبهرهكان كه هاتوونەتە ناو ئارایشتگەی جوانكاری تایبەت به خۆیان وههستان به شكاندنی ههموو شتێك له دووكانهكه ،پاش ئهوهی یهكێك له سهردانیكهران رهتی كردهوه نرخی چارهسهری جوانكاری بدات له ئارایشتگەکە.
دونیا له لێدوانێكی رۆژنامهوانیدا دووپاتی كردهوه:” كیشهكه ئهوكاته دهستیپێكرد كاتێک كچێك رهتی كردهوه نرخی ئهو خزمهتگوزاریانه كه له ئارایشتگەکە وهریگرتووه بدات،پاش ئهوه 3 ئۆتۆمبێل گهیشتنه تهنیشت ئارایشتگەکە و ژمارهیهك كهسی لێ دابهزی و ههستان به هێرشكردنه سهرمان و لێیانداین و شكاندنی ههموو شتێك له رێگایاندا “.
ههروهها وتی:” هاواریان دهكرد و جنێویان دهداو له ههموو ئهوانیان دهدا كه له سهر رێگایان بوون و یهكێكیان به دهستی هەوڵی خنکاندنی منی دا، له كاتێكدا یهكێكی تر ههستا به لێدانی خوشكهكهم زۆر بههێزهوه”.
دونیا دووپاتی كردهوه كه لهگهڵ خوشكهكهم و سهردانیكهرانی تر له ساڵۆنهكه رووبهڕووی لێدان و دهستدرێژی دڕندانه بوونهتەوە و پۆلیس كاتێک گهیشت پێش ئهوه هێرشبەران ههڵاتبوون”.
به پێی رۆژنامهكه بێت ، ریاز مەحرەز نهیتووانی سهردانی ههردوو خوشكهكهی بكات لهم دواییانه، ئەمەش به هۆی تووشبوونی به ڤایرۆسی كۆرۆنا”.
