ئەو وڵاتانەی ئۆپیک کە خاوەنی زۆرترین یەدەگی نەوتن ئاشکرادەکرێن

SNN

لە ریزبەندییەکی نوێدا، ڤەنزوێلا بوو بە خاوەنی زۆرترین یەدەگی نەوتی خاو لە رێکخراوی ئۆپیک و عێراقیش چووە پلەی چوارەمەوە.

میدیاکانی عێراق بڵاویکردووەتەوە، ڤەنزوێلا کە یەکێکە لە بنیادنەرانی رێکخراوی ئۆپیک ئێستا بە بڕی 303 ملیار و 81 ملیۆن بەرمیل نەوتی خاوی یەدەگی هەیە، لەدوای ئەویش سعوودیە دێت کە بڕی 258 ملیار و 60 ملیۆن بەرمیل نەوتی یەدەگی هەیە.

ئێران لە پلەی سێهەمی ئەو ریزبەندیەدایە کە بڕی 208 ملیار و 60 ملیۆن بەرمیل نەوتی یەدەگی هەیە.

عێراقیش کە ئێستا هاتووەتە پلەی چوارەمەوە، بڕی 104 ملیار و دوو ملیۆن بەرمیل نەوتی یەدەگی هەیە، لەدوای ئەویش کوەیت و ئیمارات و لیبیا و نایجریا دێن لە زۆرترین بڕی نەوتی خاوی یەدەگدا.

رێکخراوی ئۆپیک کە لە 13 ئەندامی بەرهەمهێنی نەوت پێکهاتووە لە ساڵی 1960 لە بەغدا دامەزراوە.