چاوەڕوان دەکرێت لە ساتەکانی کۆتایی ئەم گرێبەستانە لە ئیتاڵیا یەکلایی ببێتەوە

SNN Sport

رۆژنامەی لاگازێتا دیلۆ سپۆرتی ئیتاڵی چەند گرێبەستێکی بڵاوکردووەتەوە، کە لەوانە لە ساتەکانی کۆتایی بازاڕی گواستنەوەی یاریزانان ئەنجام بدرێت و یەکلایی بکرێتەوە.

بە پێی زانیاری رۆژنامەکە، ئەیسی میلان بڕی 20 ملیۆن یۆرۆی پێشکەشی یانەی فیۆرنتینا کردووە بۆ گواستنەوەی میلینکۆڤیچ،بەڵام کومیسیۆی خاوەنی یانەکە رەتیکردووەتەوە.

هەروەها ئەگەری هەیە ئێمەرسۆنی یاریزانی یانەی چێڵسی پەیوەندی بە یانەی یۆڤانتۆسەوە بکات بە بڕی 25 ملیۆن یۆرۆ،کانتیش پەیوەندی بە یانەی ئینتەرمیلانەوە بکات، کۆنتی راهێنەری ئینتەر هیوای هەیە گۆڕانکاری رووبدات و گرێبەستەکە ئەنجام بدرێت.

یانەی رۆمای ئیتاڵیش دەیەوێت سمالینگ بە یەکجاری لە مانچستەریونایتد بکڕێت، شەیتانە سوورەکان داوای 18ملیۆن پاوەنیان کردووە، رۆما ئامادەیە 13 ملیۆن یۆرۆ بەو یاریزانە بدات، یانەکانی ئەیسی میلان و ئینتەرمیلان گرنگی بە گواستنەوەی دەدەن.

لە یانەی ناپۆلیش لە ئەگەری رۆشتنی کۆلیبالی  پێشبینی دەکرێت سۆکراست بێبەرامبەر پەیوەندی بەم یانەیەوە بکات.

بازاڕی گواستنەوەی یاریزانان لە ئیتاڵیا لە 5/10/2020 دادەخرێت و لە بەرواری لە 1/9/2020وە کراوەتەوە.