گرنگترین مانشێتی ئەمڕۆ چوارشەممە 23/9/2020ی رۆژنامە وەرزشییەکانی ئیسپانیا

SNN Sport

ئەمڕۆ  چوارشەممە (23/9/2020) گرنگترین مانشێتی رۆژنامەکانی ئیسپانیا بەمشێوەیە بوو…

مارکا:

• رێککەوتنەکە کۆتایی هات.
• لویس سوارێز بۆ یانەی ئاتلەتیکۆ مەدرید.
• شەوی رابردوو سەرۆکی یانەی بەرشەلۆنە بارتۆمیۆ هەوڵیدا رێگری لە گرێبەستەکە بکات، بەڵام لە کۆتایدا دوای گفتوگۆ هەموو شتێک کۆتایی هات.
• دییەگۆ سیمیۆنی کلیلی سەرکەوتنی گرێبەستەکە بوو، بۆ ئەوەی تەواو بکرێت، ئەمەش پاش ئەوەی مۆراتای بە خواستن بە یانەی یۆڤانتۆس دا.
• بارنێتی بریکاری بەیڵ:”دەبێت ریاڵ مەدرید  ئەو خاکە ماچ بکات کە گاریس بەیڵ پێیدا تێپەڕ بووە”.

ئاس:

• دووکەڵی سوور و سپی بۆ لویس سوارێز.
• ئۆرۆگواییەکە بە گرێبەستێکی دوو ساڵی پەیوەندی بە یانەی ئاتلەتیکۆ مەدریدەوە دەکات.
• رێککەوتن لە نێوان هەردوولا کرا، ئەمەش دوای ئەوەی پارێزەری سوارێز لەگەڵ بارتۆمیۆی سەرۆک کۆبووەوە.
• ئەو یاریزانە بە بێ بەرامبەر پەیوەندی بە یانەی ئاتلەتیکۆ مەدرید دەکات، ئەمەش پاش رۆشتنی مۆراتا بۆ یۆڤانتۆس.
• ئۆدیگاردی نەرویجی تووشی ڤایرۆسی کۆرۆنا بووە و رۆژی دووشەممە لەگەڵ یاریزانانی تری هاوڕێی راهێنانی کردووە.
• یۆرگن کلۆپ راهێنەری یانەی لیڤەرپوڵ دەیەوێت مباپی بە هاتن بۆ یانەکەی رازی بکات.

سپۆرت:

• میسی زیاتری دەوێت.
• لەوانەیە ئەم وەرزە 4 ژمارەی پێوانەیی بشکێنێت.
• زۆرترین یاری لەگەڵ بەرشەلۆنە:میسی 731یاری چاڤی 767 یاری.
• گۆڵکردن بۆ یەک یانە: پێلی 643 گۆڵ،میسی 634 گۆڵ.
• وەرزی یاریکردن لە بەرشەلۆنە:میسی 16 وەرز،رێکساچ و چاڤی 17 وەرز.
• نازناوەکان لەگەڵ یەک یانە:میسی 34 نازناو،گیگز 36 نازناو.
• تا بارتۆمیۆ و سیریزیۆی سەرۆکی یانەی ئاتلەتیکۆ مەدرید رێککەوتن نەکەن سوارێز پەیوەندی ئاتلەتیکۆوە ناکات.

مۆندۆ دیپۆرتیڤۆ:

• رێککەوتنی بەرشەلۆنەو ئەجاکس بۆ یاریزان دیست بە بڕی 20 ملیۆن یۆرۆ لەگەڵ 5 ملیۆن یۆرۆی تری زیادەی گۆڕانکاری نزیکە لە رێککەوتن.
• یانەی بایرن میونخیش گرنگی بە گواستنەوەی ئەو یاریزانە دەدات.
• سیمیدۆ بوو بە یاریزانی ئاتلەتیکۆ مەدرید بە بڕی 30 ملیۆن یۆرۆ لەگەڵ 10 ملیۆنی تر گۆڕانکاری.
• یانەی بەرشەلۆنە لەگەڵ ئاتلەتیکۆ مەدرید رێککەوتووە بۆ رۆشتنی سوارێز.
• بارنێتی بریکاری بەیڵ رەخنە لە هاندەرانی یانەی ریاڵ مەدرید دەگرێت.