پنتاگۆن: ساڵی رابردوو 132 هاووڵاتیمان لە رۆژهەڵاتی ناوەڕاست کوشتووە
Aaron Allmon
وەزارەتی بەرگری ئەمریکا رایگەیاند، لە ئەنجامی ئۆپراسیۆنە سەربازییەکانی ئەمریکا لە رۆژهەڵاتی ناوەڕاست 132 هاووڵاتی مەدەنی کوژراون کە ژمارەیەکی کەمیان لە عێراق بوون.
پێنتاگۆن لە راپۆرتێکیدا کە پێشکەشی کۆنگرێسی کرد، ئەوەی خستووەتەڕوو: “له میانی ئۆپهراسیۆنهكانی ئهمریكا له عێراق، سووریا، ئهفغانستان و لیبیا و سۆماڵ 132 هاووڵاتی مەدەنی كوژراون”.
بەشێک لە رێكخراوەکانی مافی مرۆڤ و كۆمهڵی مهدهنی، ئەو راپۆرتە رەتدەکەنەوە و ئاماژە بەوەدەکەن، ئامارەکانی پێنتاگۆن زۆر کەمترە لە ژمارەی ئەو کەسانەی لە ئەنجامی بۆردومان و هێرشی هێزەکانی ئەمریکادا کوژراون.
لەو نێوەندەشدا، Air Warsكه بارهگای سهرهكی له بهریتانیایه و زانیاری كۆدهكاتهوه لهبارهی ئهو هاووڵاتییە مەدەنیانەی له ئۆپهراسیۆنهكانی ئهمریكا دژ بە داعش دهبنه قوربانی، رایگهیاندووه : “سهرباری ئهوهی ئۆپهراسیۆنهكانی ئهمریكا له عێراق و سووریا زۆریش كهم بوونهتهوه بەڵام لانیكهم 538 هاووڵاتی مەدەنی کوژراون.
لای خۆیشیهوه رێكخراوی لێبوردنی نێودهوڵهتی ئاماژهی بهوه داوه كه پنتاگۆن له راپۆرتی 2019شدا وهك راپۆرتهكانی 2017 و 2018 زۆر كهمتر لهو ژماره مەدەنیەی نووسیووه كه له ئۆپهراسیۆنهكاندا کوژراون.
