سبەینێ شاندی هەرێم و بەغدا کۆدەبنەوە
وتەبێژی جێگری سەرۆکی ئەنجومەنی وەزیران رایگەیاند: سبەینێ کۆبوونەوەیەکی دیکەی شاندی هەرێم لەگەڵ بەرپرسانی بەغدا بەڕێوەدەچێت، هاوکات ئاماژەی بە ناوەڕۆکی کۆبوونەوەکانی پێشتر کرد.
سەمیر هەورامی وتەبێژی قوباد تاڵە‌بانی جێگری سە‌رۆكی ئەنجومەنی وەزیران، سەبارەت بە ناوە‌ڕۆكی كۆبوونە‌وە‌كان، رایگەیاند: “لە کۆبوونەوەکاندا زانیاری و بەڵگەنامەی خراونەتەڕوو، هەروەها چەند پێشنیارێکی گونجاو گە‌ڵاڵە كراون، وە‌ك چارە‌سە‌ر بۆ پرسەكانی نەوت و ماف و شایستە داراییەکانی ھەرێم”.
وتیشی: “لە کۆبوونەوەکاندا چەند بەرپرسێکی باڵای وەزارەتەکانی دارایی و پلاندانان و نەوت و بەڕێوەبەری گشتی کۆمپانیای سۆمۆ و چەند ڕاوێژکارێکی سەرۆک وەزیرانی عێراقی تیایدا بەشدارن”.
ئاماژەی بەوەشکرد: “سبەینێ کۆبوونەوەیەکی دیکەی شاندەکەی هەرێم لەگەڵ بەغدا بەڕێوەدەچێت”.
كۆبوونە‌وە‌كانی شاندی باڵای حكومە‌تی ھە‌رێمی كوردستان و حكومە‌تی عێراق بە‌ردە‌وامن بۆ دۆزینە‌وە‌ی چارە‌سە‌ری گونجاوی هەردوو پرسی نەوت و دابینکردنی ماف و شایستەداراییەکانی ھەرێم لە بەرامبەر پابەندیەکانی ھەرێم بە ئیلتزاماتەکانی.
