“قەیرانی ئابووریی تورکیا هۆکاری سیاسەتە دوژمنکارییەکانی ئەردۆغانە”

SNN

سەرۆکی پەرلەمانی پێشووی تورکیا، کە هاوکات شیکەرەوەی سیاسییە کە دامەزراوەی بەرگری بۆ دیموکراسی، باس لەوەدەکات: قەیرانی ئابووری تورکیا لە پشت سیاسەتی دوژمنکاری ئەردۆغانە لە بەرامبەر وڵاتانی دراوسێی، بەتایبەت یۆنان و قوبرس.

ئەیکان ئەردەمیر، لە چاوپێکەوتنێکیدا لەگەڵ میدیایەکی سعودی، وتوویەتی: “سەرۆککۆماری تورکیا دەیەوێت لە رێگەی مامەڵەی تووند و سیاسەتەکانی دەرەوەی، سەرنجی دەنگدەران و هاووڵاتییانی تورکیا لەسەر قەیرانی ئابووری وڵاتەکەی دووربخاتەوە، بەڵام لەم سیاسەتانەیدا شکستی هێناوە چونکە بەهۆیەوە تورکیا لە جیهان دادەبڕێت”.

سەرۆکی پێشووی پەرلەمانی تورکیا لە درێژەی قسەکانیدا وتی: “هەڕەشەکانی ئەنقەرە لەسەر جیهان، وادەکات وڵاتانی دراوسێی یەکبگرن لە دژی”.

ئەردەمیر وتیشی: پێدەچێت ئەردۆغان چەند چارەسەرێکی کورتخانەیەنی هەبێت بۆ هێورکردنەوەی گرژییەکان لەگەڵ وڵاتانی دەرەوەدا، بەڵام پێشبینی ناکرێت دەستبەرداری سیاسەت و وتاری توندڕەوانەی خۆی بێت، کە بەهۆیەوە بەشێکی زۆر لە وەبەرهێنەرانی بیانی لە گرێبەستەکانیان کشاونەتەوە.