برایەکی سەرۆکوەزیرانی کۆسۆڤۆ درایە دادگا
SNN
حکومەتی کۆسۆڤۆ نەسیم هارادینای برای رامۆش هارادینای سەرۆکی پێشووی وڵاتەکەی رادەستی دادگای لاهای کرد.
هۆکاری رادەستکردنی نەسیم بۆ ئەوە دەگەڕێتەوە کە تۆمەتبارە بە ئەنجامدانی تاوانی جەنگ و لەناو وڵاتەکەی خۆشیدا دەستگیر کراوە.
نوسینگەی داواکاری گشتیی دادگای لاهای رایگەیاندووە “پۆلیسی دادگەریی (یولیکس) نەسیم-یان دەستگیر کردووە لەسەر بنەمای فەرمانێکی حکومەتی کۆسۆڤۆ”.
لە سەرەتای ساڵی 2019ەوە نوسینگەی داواکاری گشتیی دادگای لاهای بانگهێشتی 40 ئەندامی پێشووی سوپای رزگاری کۆسۆڤۆی کردووە تا وتەکانیان بدەن.
رۆژی پێنجشەممەی رابردووش حوسنی جوکات سەرۆکی رێکخراوی جەنگاوەرە کۆنەکان و ساڵح مستەفا فەرماندەی سوپای رزگاری لە کۆسۆڤۆ دەستگیر کران بە تۆمەتی ئەنجامدانی تاوان لەنێوان ساڵانی 1998 – 2000 و رەوانەی ئەو دادگایە کران کە ساڵی 2011 بۆ ئەو مەبەستە دانراوە.
