مەسرور بارزانی و قاسم ئەعرەجی کۆبوونەوە

SNN

‎ئەمڕۆ یەکشەممە مەسرور بارزانی سەرۆکی حکومەتی هەرێمی کوردستان پێشوازی لە شاندێکی حکومەتی فیدراڵی کرد بەسەرۆکایەتی قاسم ئەعرەجی ڕاوێژکاری ئاسایشی نیشتمانیی عێراق.

‎سەرۆکی حکومەت لە پەیجی تایبەتی خۆی نووسیوێتی: “لە کۆبوونەوەکەدا کە وەزیری ناوخۆ بەشدار بووە، گفتوگۆ دەرباری گۆڕانکاری و پێشهاتەکانی عێراق و گرنگیی هەماهەنگیی ئەمنیی لە نێوان سوپای عێراق و پێشمەرگە کراوە، بەتایبەتی لە ناوچە کوردستانییەکانی دەرەوەی ئیدارەی هەرێمی کوردستان بۆ ڕووبەڕووبوونەوەی هەڕەشەکانی داعش” .

سەردانەکە پێشتر رانەگەیەنراو بووە و میدیا عێراقییەکان دەڵێن کە هاتنی ئەعرەجی بۆ باسکردنی چەند تەوەرێکی ئەمنییە تایبەت بە داعش و پاراستنی سنوورەکان.

ئەم سەردانەی ئەعرەجی لەکاتێکدایە هەر ئەمڕۆ یەکشەممە لیوا محەمەد باقری سەرۆکی دەستەی ئەرکانی سوپای ئێران بەسەردانێکی رەسمیی گەیشتۆتە شاری بەغدا.