له شهڕى نێوان ئاسایش و داعش سێ چەکداری داعش كوژران
ئۆپراسیۆنی ئاسایش
SNN- سیروان حهسهن
دواى ئهوهى زانیارى دهگاته هێزه كوردستانییهكان كه چهكدارانى داعش له ناوچهیهكى گهرمیان بۆ خورماتوو جموجۆڵیان ههیه ئاسایش و پێشمهرگهو سوپاى عێراق رووبهڕووى ئهو چهكدارانهوه دهبنهوه و سێ چهكدارى داعش دهكوژن و دوو ئاسایش بریندار دهبن.
جهمال ساڵح بهڕێوهبهرى ناحیهى زینانه له سنوورى كفرى به SNNى راگهیاند: له كاتێكدا له سنوورى ناوچهكانى قەڵخانلو وئەغجەمە له نێوان گهرمیان بۆ خورماتوو زانیارى ههبووه چهكدارانى داعش جموجۆڵیان ههیه، هێزێكى هاوبهشى ئاسایش و پێشمهرگه و سوپاى عێراق له ئۆپهراسیۆنێكى هاوبهشدا شهوى رابردوو چوونهته ناوچهكهو كهمینیان داناوه و رووبهڕووى چهكدارهكانى داعش بوونهتهوه.
وتیشى، “له ئاكامى ئهو شهڕهدا كه ماوهیهكى خایاندووه دوو كارمهندى هێزهكانى ئاسایشى گهرمیان برینداربوون و چهكدارهكانیش زیانیان بهركهوتووه و ههڵهاتوون”.
به پێى بهدواداچوونهكانى SNN له شهڕهكهى ئاسایش و پێشمهرگه بهرامبهر به داعش هێزه كوردستانییهكان سێ چهكدارى داعشیان كوشتووه و ئهمڕۆ تهرمى ئهو چهكدارانه كهوتوونهته دهستى حهشدى شهعبى و پۆلیسى خورماتوو.
