زانیاری نوێ لەبارەی هێرشە مووشەکییەکەی نزیک فڕۆکەخانەی نێودەوڵەتیی هەولێر

SNN- بڕیار محەمەد

سەرچاوەیەک لەنێو فڕۆکخانەی هەولێر بەSNNی ڕاگەیاند “چوار مووشەک بە ئاڕاستەی فڕۆکەخانەی هەولێر بە دیاریکراوی بارەگای هاوپەیمانان لەنێو فڕۆکخانە تەقێنراوە، بەڵام سێ مووشەکیان لە نێوان گوندی گەزنە و گردەچاڵ تەقێندراونەتەوە و یەکێکی تریش کەوتۆتە خوارەوە وهیچ زیانێکی گیانی نەبووە”.

دوابەدوای بەرکەوتنی 4 مووشەک لە نزیک ناوچەی هاوپەیمانان لە هەولێر، 8 فڕۆکەی هاوپەیمانان بۆ پشکنین و بەدواداچوونی ناوچەکە لە حاڵەتی ئامادەباشیدان و بە ئاسمانی ناوچەکەدا دەسووڕێنەوە.

ئەمشەو چوارشەممە چەند مووشەکێک نزیک فڕۆکەخانەی سەربازی لە شاری هەولێر کەوتە خوار، کە تەنها سێ کیلۆ مەتر لە فڕۆکەخانەی نێودەوڵەتی هەولێرەوە دوورە.