روونکردنەوەیەک لە حکومەتی عێراقەوە دەربارەی مووچە
مووچە
SNN
ئه‌حمه‌د مه‌لا ته‌ڵال وته‌بێژی حكومه‌تی عیراق رایگەیاند: پابەندین بە دەستەبەرکردنی مووچەی فەرمانبەرانی عێراق، هەروەها حكومه‌ت سوره له‌سه‌ر تێپه‌ڕاندنی هه‌موو كێشه ئابووری و ته‌ندروستیه‌كانی وڵات، ئه‌مه بێجگه له ده‌سته‌به‌ركردنی مووچه‌ی فه‌رمانبه‌ران و خانه‌نشینیان.
وتیشی “ماوه‌ی 17 ساڵه كه‌موكورتی هه‌یه له به‌ره‌نگاربوونه‌وه‌ی گه‌نده‌ڵی و حكومه‌تی كازمی توانیویه‌تی مه‌له‌فی زۆر بكاته‌وه به‌شێوه‌یه‌ك زیاتر له 20 به‌رپرسی پله باڵای به تۆمه‌تی گه‌نده‌ڵی ده‌ستگیر كردووه “.
حكومه‌تی عیراق ماوه‌ی نزیكه‌ی 50 رۆژه مووچه‌ی دابه‌ش نه‌كردووه، هه‌رێمی كوردستانیش چاوه‌ڕوانی گه‌یشتنی 320 ملیار دیناری به‌غدا ده‌كات بۆ ئه‌وه‌ی له‌گه‌ڵ ئه‌و داهاته‌ی له‌به‌ر ده‌ستیه‌تی مووچه‌ی مانگی نیسانی ئه‌مساڵی فه‌رمانبه‌ران دابه‌ش بكات.
