كۆرۆنا تیپى فوتساڵى كچانى یانهى چۆمانى لههیچ شتێك ساردنهكردووهتهوه
فوتساڵی چۆمان
سەنگەر زرار-SNN Sport
تیپى فوتساڵى كچانى یانهى وهرزشى چۆمان یهكێكه لهتیپه ههرهباش و پێشهنگهكانى سهر ئاستى كوردستان و وهرزى 2018-2019ى خولى نایابى فوتساڵى یانهكانى كوردستان ركابهرێكى سهرسهختى سهرجهم تیپهكانى خولهكهیان كرد و تا كۆتایی كۆڵیان نهدا و سهرهنجامیش بۆ یهكهمجار توانیان پلهى دووهمى خولهكه دهستهبهربكهن، تۆڕى ههواڵى سلێمانى (SNN SPORT) لهلایهنى دارایی و كارگێڕی لهكێشه و كهموكوڕیهكانى تیپهكهى پێچیهوه و بۆ ئهم مهبهستهش راهێنهر و كاپتن و گۆڵكهر و دوو یاریزانى ترى تیپهكهى كه خوشكن بهچهند پرسیارێك دواند و ئهوانیش لهبارهى كاریگهرى ئهم بارودۆخه لهسهریان و چۆنێتى دابڕانیان لههۆڵ و یاریگاكان و مهشقكردن و بهردهوام بوون و پارێزگارى كردن لهئاست و تواناى جهستهییان قسهیان بۆ كردین:-
“چاوهڕوانى یهكێتى تۆپى پێین كه پاش باشبوونى ئهم بارودۆخه چ بڕیارێكى یهكلاكهرهوه دهدات”
*سهرهتا مهزن موحهمهد-ى راهێنهرى تیپهكه لهسهر كێشه و كهموكوڕییهكان و چۆنێتى هاوكارى كردنى یاریزانهكانى بۆ بهردهوام بوون لهسهر مهشقكردن و چارهنووسى خولى نایابى فوتساڵ وتى:” خۆتان ئاگادارن لهڕووى نهبوونى یاریگاوه چهندهها ساڵه دهناڵێنین، تیپهكهى ئێمهش كه خۆم و سهرجهم یاریزانهكانى لهههولێرین، یاریگاى لهناو سهنتهرى شارى ههولێردا نیه، زۆر سوپاسى مامۆستا رازاو سهرۆكى یانهى وهرزشى ئافرهتانى ههولێر و پهیمانگاى وهرزشى ناحكومى پایتهخت و كۆلێژى پهروهردهى وهرزشى دهكهم كه هاوكارمانن بهپێدانى یاریگا و هۆڵهكانیان بۆ مهشق و راهێنانهكان، ئێمه لهگهڵ دهستهیهك وهرزشوان و تێگهیشتوو لهیانهى چۆمان كاردهكهین و لهڕووى كارگێڕییهوه ئاسوودهین و ئهنجامهكانیشمان شایهدى ئهوهن، گریبهستمان لهگهڵ یانهكهدا بۆ ماوهى شهش مانگه و تهنها بۆ شهش مانگ شایستهى دارایی وهردهگرین كه مووچهى مانگانهیه و دواى ئهوه بۆندهكه كۆتایی دێت، بهبهردهوامى لهگهڵ یاریزانهكان لهسهر هێڵم بۆ ئهوهى بتوانن بهردهوام بن و لهڕووى جهستیهوه زۆر كێشهیان نهبێت، ئهم بهردهوامیهش تا سنوورێك باشه بهڵام وهك ئهوه نیه یاریزانهكان بهبهرچاوى خۆت و لهنێو یاریگادا مهشق و راهێنان بكهن، دهربارهى خولى نایاب بۆ وهرزى 2019-2020 تائێستا خولهكه دهستى پێنهكردووه و 3جار بڕیارى لێدرا و دواخرایهوه، بۆیه نازانین چارهنووسى خولهكه چى بهسهردێت و ههموومان چاوهڕوانى یهكێتى تۆپى پێى كوردستانین كه پاش باشبوونى ئهم بارودۆخه چ بڕیارێكى یهكلاكهرهوه دهدات”.
“لهگهڵ دواخستنى خولهكه بۆ كاتێكى نادیار، مووچهى یاریزانهكانیش راگیرا”
*ئاواز یونس/ كاپتنى تیپهكهیه و لێمان پرسى (ئایا یانهكهتان پابهند بووه بهپێدانى مووچه و بۆندهكانتان یان بهپێچهوانهوه پێى نهداون) ؟، ئهمیش وتى:” سهبارهت بهپارهى بۆند و پێدانى موچهوه پار ساڵ پێش دهستپێكردنى خولى نایابى فوتساڵى یانهكانى كوردستان كه بڕیاربوو مانگى كانوونى یهكهم بهڕێوهبچێت، بهدوو مانگ ئێمه بۆندمان لهگهڵ یانهكهمان نوێ كردهوه، تهنها مووچهمان وهردهگرت، ئهمهش بهههوڵ و ماندووبوونى باشترین راهێنهر مامۆستا مهزن-ى ئازیز كه ههمووكات خزمهتى وهرزشى كوردستانى كردووه و بۆ ئێمهش باوك و برا و خهمخۆر و یارمهتیدهرمان بووه، بهڵام لهگهڵ دواخستنى خولهكه بۆ كاتێكى نادیار، مووچهى یاریزانهكانیش راگیرا، لهگهڵ ئهوهشدا ئێمه زۆر ئاسوودەین لهیانهكهدا ههروهها لهگهڵ دهستهى كارگێڕى و ئهو ستافه گهنجهى یانهكه بهڕێوهدهبهن كه كۆمهڵه كهسێكى وهرزشدۆست و تێگهیشتوون، بهداخهوه لهبهر بوونى ڤایرۆسى كۆرۆنا ههموو شتێك وهستاوه و بههیواى سهلامهتى بۆ ههمووان و دووباره دهستپێكردنهوهى ژیان و گهڕانهوهمان بۆ نێو یاریگا و ركابهرى كردن بۆ بردنهوهى نازناوى خولى كوردستان”.
“لهماڵهوه مهشق و راهێنانى خۆمان كردووه و دانهنیشتووین”
*لهبارهى ئهوهى (كاریگهریی ئهم بارودۆخه لهسهر تیپهكهتان چی بووه و ئایا بێئومێد و ساردى نهكردوونهتهوه) ؟، شۆخان نورهدین/ گۆڵكهرى تیپهكه وتى:” ئهم بارودۆخه ناههمواره كه كوردستان و سهرتاسهرى جیهانى گرتووهتهوه بێگومان كاریگهرى ههبووه بهتایبهت لهسهر بوارى وهرزش و تیپهكهى ئێمهش، بهڵام ئێمه وهك یاریزانێكى تیپى یانهى چۆمان لهمهشق و راهێنان دانهبڕاوین بهو پێیهى راسته ئێستا ناتوانین بهكۆمهڵ مهشق و راهێنانهكانمان بكهین، ههروهها مهشقهكانمان لهنێو هۆڵ و یاریگادا نیه، بهڵام لهماڵهوه مهشق و راهێنانى خۆمان كردووه و دانهنیشتووین، راهێنهرهكهشمان مامۆستا مهزن كهڕاهێنهرى ههڵبژاردهى عێراقه، ههردهم هاندهرمانه و ههرگیز واناكات لهمهشق و راهێنان ساردببینهوه، ئینشاڵڵا بهزووترین كات ئهم بارودۆخه كۆتایی دێت و دهست بهمهشقهكانمان دهكهینهوه، چونكه بێئومێد نهبووین و گهشبینین كه ئینشاڵڵا ههموو شتێك لهجاران باشتر دهبێتهوه و تیپهكهشمان لهخولى نایاب ركابهرێكى سهخت دهكات لهگهڵ تیپهكانى تر بۆ بهدهستهێنانى نازناوهكه، چونكه خاوهن یاریزانى ئاستهبهرز و راهێنهرێكى نمونهیه”.
“ئێمهش لهماڵهوه و لهسهر ئهو بهرنامهیهى راهێنهر مهشقهكان دهكهین”
* شیلان و سارا عهبدوڵڵا كهدوو خوشكی ئهندامى تیپهكهن، لهبارهى ئهوهى (چۆن و لهكوێ مهشق دهكهن و تاچهند توانیویانه پارێزگاری لهئاستى خۆیان بكهن و چهند كاتیان پێویسته تا بگهنهوه بهئاستى راستهقینهى خۆیان) ؟، یهیهكهوه وتیان:”ئهو ماوهیه بههۆى ڤایرۆسى كۆرۆناوه نهمانتوانیوه لهنێو یاریگادا مهشقهكانمان ئهنجام بدهین، بهڵام بۆ دانهبڕانمان رۆژانه لهگهڵ راهێنهرهكهمان مامۆستا مهزن گفتوگۆ دهكهین و بهردهوام ئامۆژگاریمان دهكات و بهرنامهمان بۆ رهوانه دهكات و ئێمهش لهماڵهوه و لهسهر ئهو بهرنامهیهى راهێنهر مهشقهكان دهكهین، زۆر جاریش لهدهرهوهى ماڵ و لهپاركێكى بچووكى نزیك لهماڵهكهمان بهشهوانه دهتوانین ههندێ مهشقهكانمان بكهین، بێگومان ئهو مهشقهى لهماڵهوه دهیكهین زیاتر بۆ ئهوهیه پارێزگارى لهتواناى جهستهیی خۆمان بكهین و ئهگهر كهمیش بێت، ئهمهش بۆ ئهوهى ههر كاتێك خولهكان دهستى پێكردهوه، ئێمه بتوانین ورده ورده راهێنان بكهین و بكهوینهوه سهر رێچكه و بارى ئاسایی خۆمان و بهئاستێكى باش دهربكهوین بۆ دووباره ركابهرى كردن”.
