چوونە ئێران بۆ گەشت، بەڵام بە تۆمەتی سیخوڕی بەند کران

SNN

پێش چەند مانگێک لەمەوبەر ژن و مێردێکی ئیسرائیلی بۆ مەبەستی گەشتکردن چوونە ئێران، بەڵام بە تۆمەتی سیخوڕیکردن بۆ ماوەی 3 مانگ زیندانیکران.

مارک و هاوسەرەکەی (جولی) لە گرتەیەکی ڤیدیۆییدا دەڵێن: “بێ هۆکار 3 مانگ لە بەندیخانەیەکی ئێران بەند بوون، ئاماژە بەوەشدەکەن کە ئەو ماوەیە زۆر ترسناک بووە بۆ هەردووکیان”.

ئەوان دەڵێن “بۆ چوار رۆژ چوون بۆ ئێران، خێمەیەکیان هەڵداوە لە شوێنێکی گەشتیاری، بەڵام لە درەنگانی شەودا 30 – 50 کەس کە وتویانە ئاسایشین، لە خەو رایانپەڕاندوون و راپێچی زیندان کراون”.

دەشگێڕنەوە کە تۆمەتی سیخوڕییەکەیان بێ بەڵگە بووە، دوای دوو مانگ تۆمەتێکی نوێیان بۆ دروستکردوون گوایە وێنەی دامەزراوە ئەتۆمییەکانی ئێرانیان گرتووە.

ئەو دوو هاوسەرە دەشڵێن: “هەرچۆنێک بێت پەیوەندییان بە باڵیۆزخانەی ئوستراڵیاوە کردووە و دواتر بە بێ کامێرا و میمۆرییەکانیان رەوانەی وڵاتەکەیان کراونەتەوە دوای سێ مانگ”.