رووسیا “ئەو گازەی ناڤالی پێ ژەهرخوارد کراوە لە چەند وڵاتێکی ئەوروپادا بوونی هەیە”

SNN

ئەمڕۆ شەممە وەزارەتی دەرەوەی روسیا لەوەڵامی وەزیری دەرەوەی ئەڵمانیادا رایگەیاند، ماددەی نوڤیتشۆک کە دەوترێت سەرکردەی ئۆپۆزسیۆنی رووسیای پێ ژەهرخواردکراوە بەلایەنی کەمەوە لە 20 وڵاتی رۆژئاوادا بوونی هەیە و مامەڵەی لەگەڵ دەکەن.

لەڕاگەیەنراوەکەدا هاتووە، وەزارەتی دەرەوەی رووسیا ئاماژەی بەوەشکردوە، ئەو ماددە کیمیاییە بۆیەکەمجار لەساڵی 1988 لەداتابەیسی پەیمانگای ئەمریکی بۆ میترۆلۆجی بەیانکراوە و دواتریش گروپێکی دیکە لەپێکهاتەی کیمیایی مەترسیدار ئاشکراکرا.

ئاماژەی بەوەشکردووە، لەسەر ئەو بنەمایە دەتوانین بلێین ماددەی کیمیایی نوڤیتشۆک بەتەواوەتی براندێکی رۆژئاواییە و دەبێت ئەوان وەڵامی تۆمەتی ژەهرخواردکردنی ناڤالنی بەو ماددەیە بدەنەوە.

دوومانگ پێش ئێستا ئەلێکس ناڤالی کە رکابەری سەرسەختی ڤلادیمێر پوتینە لەنێو فڕۆکەکەیدا کە بەرەو ئەڵمانیا دەڕۆشت ژەهرخوارد کرا، بۆیە راستەخۆ لە نەخۆشخانەی (شاریتێ)ی ئەڵمانیا بۆ ماوەی 32 رۆژ چارەسەری وەرگرتووەو پاشان چاکبۆتەوە، لەکاتی ئێستادا پەنجەی تۆمەت بۆ پوتین رادەکێشرێت کە ژەهرخواردی کردبێت.