“فه‌ریق روكن ئه‌میر شه‌مه‌رى بووه سه‌رۆك ئه‌ركانى عێراق”
فه‌ریق روكن ئه‌میر شه‌مه‌رى
ئه‌مڕۆ هه‌ینى میدیا عێراقییه‌كان رایانگه‌یاند: سه‌رۆكوه‌زیرانى عێراق رازیبووه كه فه‌ریق روكن ئه‌میر شه‌مه‌رى بكاته سه‌رۆك ئه‌ركان.
به‌پێى ئه‌و زانیاریيانه‌ى كه له میدیا عێراقییه‌كان بڵاوكراونه‌ته‌وه، “ئه‌مڕۆ مسته‌فا كازمى، سه‌رۆكوه‌زیرانى عێراق، فه‌ریق روكن ئه‌میر شه‌مه‌رى راسپاردووه بۆ ئه‌وه‌ى پۆستى سه‌رۆك ئه‌ركان وه‌ربگرێت”، له‌برى فه‌ریق روكن عوسمان غانمى، سه‌رۆك ئه‌ركانى پێشووى عێراق كه ئێستا پۆستى وه‌زیرى ناوخۆى وه‌رگرتووه.
شه‌مه‌رى پێشتر وه‌ك سه‌رپه‌رشتیار له وه‌زاره‌تى به‌رگريى عێراق كارى كردووه.
