فڕۆكهخانهى سلێمانى: خۆتان بهدووربگرن لەو کۆمپانیایانەی تکت بە گران دەفرۆشن
فڕۆكەخانەی نێودەوڵەتی سلێمانی
فڕۆکەخانەی نێودەوڵەتی سلێمانی داوا لە هاووڵاتیان دەکات خۆیان بەدووربگرن لە مامەڵەکردن لەگەڵ ئەو کۆمپانیایانەی تکت بە گران دەفرۆشن، بەڕێوەبەری گشتی ئهو فڕۆكەخانەیهش دهڵێت: “ھەموو ئەو دەنگۆیانە رەتدەكەینەوە كه باس له ئاسایی كردنهوهى گهشتهكان دهكهن”.
تاھير عبدوڵا، بەڕێوەبەری گشتی فڕۆكەخانەی نێودەوڵەتی سلێمانی رایگەیاند: “ئەوەی دەبینرێت كۆمەڵێك كۆمپانیای بیانی کە لقیان لە ھەرێمی كوردستان ھەیە بلیتی گەشتكردن بە گرانتر دەفرۆشن بەو كەسانەی لە ئەوروپا و ھەر وڵاتێكی دیكە گیریانخواردووە و دەیانەوێت بگەڕێنەوە كوردستان و بە پێچەوانەوە، بۆیه داوا دهكهین هاووڵاتیان خۆیان بەدووربگرن لە مامەڵەکردن لەگەڵ ئەو کۆمپانیایانە”.
وتیشى: “تاوەكو ئێستا ھیچ رێنماییەکمان بۆ دەستپێكردنەوە و ئاساییکردنەوەی گەشتی فڕۆكەی گەشتیاری بەدەست نەگەیشتووە وە وەک فڕۆکەخانەی نێودەوڵەتی سلێمانی پێمان باشە ئەو گەشتانە ئەنجام بدرێت، بەڵام بە مەرجێک نرخی تکتەکان لەگەڵ توانای دارایی ھاووڵاتیان بگونجێت و لەژێر چاودێری و جێبەجێ کردنی رێنماییەکانی حکومەتی ھەرێمی کوردستاندا بێت”.
بەپێی بڕیاری دەسەڵاتی فڕۆکەوانی شارستانی عێراقی تاوەکو 22ـی ئایار، سەرجەم گەشتەکانی فڕۆکەی گەشتیاری لە تەواوی فڕۆکەخانەکانی عێراق هەڵپەسێردراون، لە چوارچێوەی جێبەجێكردنی رێنماییەكانی تایبەت بە بەرگرتن لە بڵاوبوونەوەی ڤایرۆسی كۆرۆنا.
