میسی بێبەرامبەر ماڵئاوایی لە بەرشەلۆنە دەکات

SNN Sport

رۆژنامەکانی بەریتانیا دووپاتی دەکەنەوە، میسی لە کۆتایی ئەم وەرزە ریزەکانی یانەی بەرشەلۆنە جێدەهێڵێت و پەیوەندی بە یانەی مانچستەرسیتی ئینگلیزی دەکات.

رۆژنامەی The Mirrorی بەریتانی ئاشکرای دەکات، یانەی بەرشەلۆنە دەزانێت لە کۆتایی ئەم وەرزە میسی بەرشەلۆنە جێدەهێڵێت، ئەم ئەستێرەیە پەیوەندی بە یانەی مانچستەرسیتی ئینگلیزییەوە دەکات و کۆتا وەرزی لە یانە کەتەلۆنیەکە بە سەر دەبات.

میسی لە گواستنەوەکانی هاوینەی رابردوو زۆر نزیکبوو یانەی بەرشەلۆنە جێبهێڵێت،بەڵام لە کۆتایدا بڕیاری مانەوەیداو رەخنەیەکی زۆری لە سەرۆکی یانەکە بارتۆمیۆ گرت، کە بە هۆکاری هەوڵدان بۆ رۆشتنی دانابوو.

میسی لە 30/6/2021 دەتوانێت یانەی بەرشەلۆنە جێبهێڵێتن و گرێبەستەکەی کۆتایی دێت، ئەم یاریزانە لە سەرەتای مانگی کانوونی دووەمی ساڵی داهاتووەوە دەتوانێت گفتوگۆ لەگەڵ یانەیەکی تر بکات.