شایان عەسکەری: سوورین لەسەر پرساندنی سەرۆکی حکومەت
SNN- بڕیار محەمەد
ئەندامێکی فراکسیۆنی گۆران لە پەرلەمانی کوردستان رایدەگەیەنێت: ئێمە سورین لەسەر پرساندنی سەرۆکی حکومەت و جێگرەکەی، بەپێی یاساش دەبوو ئێستا ئامادەبوونایە.
شایان عەسکەری، بە SNNی ڕاگەیاند: سهبارهت بە بابهتی پرساندنی سهرۆكی حكومهت تا ئێستا لهسهر ههڵوێستی خۆمان ماوین و لهسهر ئهو ههڵوێستهمان سورین، لهبهر ئهوهی كێشهكان ههر بهردهوامن .
ئاماژهی بۆ ئهوهش كرد: تا ئێستا وهڵاممان وهرنهگرتۆتەوه لهسهر بابهتی پرساندن لهكاتێكدا كاتهكهی تێپهڕیوه و پێویست بوو دانیشتنێكی تایبهت به پرساندن ئەنجامبدرایە.
پێشتر 23 واژوو بۆ پرساندنی مەسرور بارزانی سەرۆکی حکومەت کۆکرایەوە، بەڵام دواتر لەسەر داوای سەرۆکی حکومەت دانیشتنێکی تایبەت لە پەرلەمان رێکخرا، مەسرور بارزانی و قوباد تاڵەبانی جێگری سەرۆکی حکومەت و ئاوات شێخ جەناب وەزیری دارایی بەشدارییان تێداکرد و وەڵامی چەندین پرسیاری پەرلەمانتارانیان دایەوە.
