ڤاتیکان و ئەزهەر ئیدانەی هێرشەکەی “نیس” دەکەن
وێنەی ساتی هێرشەکە
SNN
هەریەک لە ڤاتیکان و دامەزراوەی ئەزهەر پێکەوە سەرکۆنەی هێرشەکەی ئەمڕۆ پێنجشەممەی شاری نیس دەکەن لە فەڕەنسا کە بووەهۆی کوژرانی 3 هاووڵاتی ئەو وڵاتە پاش بە ئامانجگرتنی کەنیسەیەک.
ڤاتیکان لەسەر هێرشەکە دەڵێت: “نابێت بەهیچ شێوەیەک کاری تیرۆریستی لە کەس قبوڵ بکرێت، ئاماژەی بەوەشداوە کە ئەو کارانە لەگەڵ عورفی ئیسلام یەک ناگرنەوە”.
ماتیۆ برۆنی وتەبێژی ڤاتیکان لە بەیاننامەیەکیدا دەڵێت: “هێرشەکەی ئەمڕۆ مردنی لە شوێنێکی پاک و ئاشتی ئامێزدا ناشتووە، ئەم ساتانە ساتی ئازار و ئێشن”.
لایخۆیەوە دامەزراوەی ئەزهەر لەبارەی هێرشەکەوە رایگەیاند “هیچ بیانوویەک بۆ ئەم کارە قێزەونانە نییە، ئەم کردەوانە لەگەڵ ئیسلام نایەنەوە و بەدەرن لە نامەی ئاشتی”.
پێشنیوەڕۆی ئەمڕۆ لهناو كهنیسهى نۆتردام له شارى نیس له باشوورى فهڕهنسا كهسێك به چهقۆ هێرشى كرده سهر چهند هاووڵاتییهك و بههۆیهوه سێ كهس گیانیانلهدهستدا.
كریستیان ئیستخۆسى، پارێزگارى نیس له ههژمارى تایبهتى خۆى له تۆڕى كۆمهڵایهتى تویتهر نووسیویهتى: “هێرشهكه تیرۆریستییه و هێرشكارهكهش به بریندارى دهستگیركراوه، رهوانهى نهخۆشخانه كراوه، بههۆی هێرشهكهوه سێ كهس گیانیانلهدهستداوه”.
