لە نزیک پەرلەمانی کەنەدا هێرشی چەقۆ روویدا

SNN

پۆلیسی شاری کویبیک رایگەیاند، کاتژمێر 10ی نیو بە کاتی کەنەدا، پیاوێک لە نزیک پەرلەمان بە چەقۆ هێرشی کردووە و ژمارەیەک قوربانی لێکەوتووەتەوە.
پۆلیسی ئەو شارە لە هەژماری فەرمی خۆی لە تویتەر رایگەیاندووە، هێرشبەرەکە لە 20کانی تەمەنیدایە، دوای هەڵاتنی توانراوە دەستگیربکرێت، هێرشبەرەکە دوو کەسی بە چەقۆ کوشتووە و پێنج کەسی دیکەشی بریندارکردووە، کە برینەکانیان سوکن.

چەند کاتژمێرێک پێش ئێستا پۆلیسی شاری کویبیک ئەوەی راگەیاندبوو: “هێرشبەرێک بە جلوبەرگێکی کۆنەوە لە نزیک پەرلەمان هێرشی کردووەتە سەر هاووڵاتییان”.

تا ئێستا هۆکاری روودانی ئەو هێرشە رووننەبووەتەوە و لێکۆڵینەوەکان لەوبارەیەوە بەردەوامن.