کۆرۆنا گەیشتە دارودەستەکەی ئەردۆغان

SNN

بەرپرسێکی باڵای ئیدارەی سەرۆکایەتیی تورکیا تووشبوونی خۆی بە کۆرۆنا راگەیاند، ئەویش دوای چەند کاتژمێرێک لە تووشبوونی وەزیری ناوخۆ و هاوسەرەکەی و کچەکەی بە هەمان ڤایرۆس.

دوێنێ شەممە ئیبراهیم کاڵن وتەبێژی رەسمی سەرۆکایەتیی تورکیا رایگەیاند “تووشی ڤایرۆسی کۆرۆنا بووە و نیشانەکانی بەشێوەیەکی سووک تێدا دەرکەوتووە”.

کاڵن لەتویتەری خۆی نووسیوێتی: “من لە کۆتایی قۆناغەکانی چارەسەرم، من باشم، نیشانەکانم بە سووکیی گرتووە، سوپاسی ئەوانە دەکەم حاڵم دەپرسن”.

پێشتریش سلێمان سۆیلۆ وەزیری ناوخۆی تورکیا تووشبوونی خۆی بە کۆرۆنا راگەیاندبوو، ئاماژەی بەوە دابوو کە هاوسەرەکەی و کچەکەشی تووشبوون.

وەزارەتی تەندروستیی تورکیا پێشتر رایگەیاندبوو “375 هەزار حاڵەتی کۆرۆنای هەیە و 322 هەزاریان چاکبوونەتەوە و 10 هەزار و 500 کەسیشی لێ مردووە”.

تویتەکەی ئیبراهیم کاڵن