وێنە:تازه‌پێگه‌یشتووانی كچانی یانەی گازی باكوور ئامانجیان پله یه‌كه‌مه‌كانی گۆڕه‌پان و مه‌یدانی عێراقه
فۆتۆ:یوسف کەرکوکی
حسێن کەرکوکی-SNN Sport
وا بڕیاره سبه‌ی ( پێنج شه‌ممه 5-11-2020 ) له شاری به‌غدا ركابه‌رییه‌كانی پاڵه‌وانێتیی گۆڕه‌پان و مه‌یدانی یانه‌كانی عێراق ده‌ستپێبكات ، تیپی تازه‌پێگه‌شتووانی كچانی یانه‌ی گازی باكوور دوای ته‌واوكردنی ئاماده‌كارییه‌كانیان به‌شداری ده‌كه‌ن و ئەمڕۆ سەردانی بەغدایان کردووە.
یوسف كەركوكی لە راگه‌یاندنی یانه‌ی گاز باكوور بۆ (SNN Sport) وتی:” تیپی تازه‌پێگه‌یشتووانی كچانی یانه‌كه‌مان زیاتر له مانگێكه و له سه‌ر یاریگای یانه‌كه‌مان ئاماده‌كارییه‌كی چڕیان بۆ پاڵه‌وانێتیه‌كه كردووه “.
هه‌روه‌ها وتی:” تیپه‌كه به سه‌رپه‌رشتی هه‌ردوو راهێنه‌ر ( هه‌یسه‌م حافز و عه‌لی عه‌بدولكه‌ریم ) ئاماده‌كارییه‌كانیان ته‌واو كردووه و له‌و په‌ڕی ئاماده‌باشیدان بۆ ركابه‌رییه‌كانی پاڵه‌وانێتیه‌كه‌و بۆ ئەو مه‌بە‌سته‌ش وا بڕیاره ئه‌مڕۆ رووبكه‌نه شاری به‌غدا”.
وتیشی:” تیپه‌كه‌مان بە له به‌رچاوگرتنی ئاست و ماوه‌ی ئاماده‌كارییه‌كانیان و ئه‌و ریكۆردانه‌ی تۆماریانکردووە ، چاویان بڕیوه‌ته پله یه‌كه‌مه‌كانی پاڵه‌وانێتیه‌كه”.
