لە ئیڤانکاوە بۆ ئاشلی… کچەکەی بایدن خەریکە شاشەکان داگیر دەکات

SNN

لەگەڵ ئەوەی هێشتا کێبڕکێی هەڵبژاردنەکان بەردەوامیی هەیە لەنێوان جۆو بایدن و دۆناڵد ترەمپ-دا، میدیا دیوێکی تری ژیانی بایدنی نیشانداوە ئەویش ئاشلی کچێتی.

ئاشلی تەمەن 39 ساڵ کچی تاقانەی جۆو بایدن-ە کە پاش ئەوەی ساڵی 1972 ژنی یەکەمی و کچێکی لە رووداوی هاتووچۆدا دەمرن، لە ژنی دووەمی بایدن ساڵی 1981 لەدایکبووە.

ئاشلی بایدن توێژەری کۆمەڵایەتییە و کۆمپانیایەکی جلوبەرگی هەیە و دیزاینەریشە، هاوسەری هاوەرد کراین-ە کە پزیشکە و لە ساڵی 2012ەوە ژیانی هاوسەریی پێکهێناوە.

گۆڤاری ماری کلێر دەڵێت: “بایدن زۆر هۆگری ئەم کچەیەتی و خۆشیدەوێت، لە کەمپەینی هەڵبژاردنەکانیش هەمیشە هاوڕێیەتی باوکی دەکات”.

لەدوای بوون بەسەرۆکی ئەمریکا، ئیڤانکای کچی دۆناڵد ترەمپ و میلانیای هاوسەری ببوونە سەرباسی میدیا و هەمیشە چاوی کامێرا لەسەریان بوو.

ئێستاش کە بۆچوونەکان بەو ئاڕاستەیەن بایدن بچێتە کۆشکی سپی، زۆربەی خەڵک چاوی لەسەر ئاشلییە کە ئاخۆ واز لە کارە مرۆییەکانی دێنێت لە بواری دادوەریی کۆمەڵایەتیدا و روو بکاتە سیاسەت؟.

ئاشلی کۆمپانیای (لایڤلیهوود) بەڕێوە دەبات لە بواری جلوبەرگدا و دیزاینەرێکی بەتواناشە، زۆربەی داهاتەکانی خۆی خەرجدەکات بۆ رێکخراوە مرۆییەکان و یارمەتی هەژاران دەدات.