2 كچه یاریزانی كهركوك بە ئۆنلاین بهشداری پاڵهوانێتییهك دهكهن
دوو کچە یاریزانی کەرکوک
حسین کەرکوکی-SNN Sport
دوو كچه یاریزانی تۆپی پێی یانهی نهوتی باكووری شاری كهركوك بە ئۆنلاین بهشداری پاڵهوانێتییهكی تۆپی پێ دهكهن كه یانهی بهترای ئوردنی سازی دهكات .
سهبارهت به پاڵهوانێتیهكه قاسم جەمیل راهێنهری تیپی فوتساڵی یانهی نهوتی باكوور وتی ” پاڵهوانێتیهكه له لایهن یانهی بهترای ئوردنی ساز كراوهو ژمارهیهك له كچه یاریزانانی وڵاتانی عهرهب بهشداری تێدا دهكهن “.
وتیشی ” پاڵەوانێتیهكه له ژێر ناونیشانی ” له ماڵهوه به ” ” ئاڵنگاری ، لیهاتوویی له ماڵهوه ” بریتیه له تۆماركردن و كۆنترۆڵكردنی تۆپه به قاچ و به سهر له ماڵهوه و ناردنی گرته ڤیدیۆییهكانە بۆ لیژنهی سهرپهرشتیار “.
راهێنهری یانهی نهوتی باكوور ئهوهشی خسته روو” بهشداربووانی تری وڵاتانی عهرهب زۆرێكیان له ئاستی پێشكهوتووانن، بهڵام كچانی كهركوك لە ئاستی تازهپێگهیشتووان بەشداری دەکەن “.
قاسم جهمیل له كۆتاییدا وتی ” ههردوو كچه یاریزانهكانیش بریتین له ئیلاف حوسامهدین ناسراو به ( ئیتۆ )، له دایكبووی 2005 و شاد یوسف تهیب له دایك بووی 2003 یەو پێشبینی دهكهم ركابهرییهكی بەهێز بكهن له بهر لێهاتوویان به تایبهتی له یارییهكانی كۆنترۆڵكردنی تۆپ “.
