وەزیری ناوخۆی فەڕەنسا لێدوانێکی جیاواز لەبارەی ئایینی ئیسلامەوە دەدات

SNN

وەزیری ناوخۆی فەڕەنسا رایدەگەیەنێت “ئایینی ئیسلام ئایینی لێبووردەییە، بەڵام ئەوەی پێویستە بکرێت ئەوەیە دژایەتیی بیر و ئایدۆلۆژیای تووندڕەویی بکرێت”.

جیراڵد دارمانین وەزیری ناوخۆی فەڕەنسا لەکۆنگرەیەکی رۆژنامەوانیدا لەگەڵ هاوتا تونسییەکەی رایگەیاند “دەبێت هەرچییەکمان کردووە رێ لە هاتنی بێشوماری کۆچبەران بگرین بۆ ئەوروپا”.

وتیشی: “ئایینی ئیسلام ئایینی لێبووردەیی و لێخۆشبوونە و بیری تووندڕەویی پەیوەندی بە ئیسلامەوە نییە، دەبێت بەرپەرچی ئەو جۆرە بیرکردنەوانە بدەینەوە”.

ئیمانوێل ماكرۆن، سەرۆككۆماری فەڕەنسا پێشتر رایگەیاندبوو، رووبەڕووی “تیرۆریزمی ئیسلامی” دەوەستنەوە، ئاماژەی بەوەشكردبوو، ئیسلام لە هەموو جیهان لە قەیراندایە ئەم وتانەش هەر زوو كاردانەوەی موسڵمان و وڵاتانی ئیسلامی لێكەوتەوە بەتایبەت کە کاریکاتۆری پێشەوای ئیسلام لە هەندێک شوێنی گشتی پاریس بە ئاشکرا دانران .