قوباد تاڵەبانی لەگەڵ مستەفا كازمی كۆدەبێتەوە

SNN- بریار محەمەد
وتەبێژی جێگری سەرۆكی حكومەتی هەرێمی كوردستان ئاشكرایدەكات “دوای ئەوەی ئەمڕۆ قوباد تاڵەبانی دەگاتە بەغدا، لەگەڵ مستەفا كازمی سەرۆكوەزیرانی عێراق و بەرپرسانی حكومەتی فیدراڵ كۆدەبێتەوە”.

وتیشی: “لە كۆبوونەوەكەدا گفتوگۆ لەسەر پرسی شایستە داراییەكانی هەرێم و پرسی پرۆژە بودجەی ساڵی 2021 یش گفتوگۆی لەسەر دەكرێت” .
سەمیر هەورامی وتەبێژی قوباد تاڵەبانی جێگری سەرۆكی حكومەتی هەرێمی كوردستان بە SNNی راگەیاند “تەوەری سەرەكی كۆبوونەوەكە پرسی شایستە داراییەكانی هەرێمی كوردستان و پرسی پرۆژەیاسای بودجەی ساڵی 2021  و پرسی ناردنی شایستە داراییەكانی هەرێمە كە پێشتر رێککەوتنی لەسەر كرابوو، گفتوگۆی لەسەر دەكرێت” .
شاندەكەی هەرێم پێكدێت لە قوباد تاڵەبانی جێگری سەرۆكی حكومەتی هەرێم و ئاوات شێخ جەناب وەزیری دارایی و دارا رەشید وەزیری پلاندانان و ئومێد سەباح سەرۆكی دیوانی ئەنجوومەنی وەزیران و ئامانج رەحیم سكرتێری ئەنجوومەنی وەزیران.