نەوت بەردەوامە لەبەرزبوونەوە

SNN-

ئەمڕۆ سێشەممە 12ی ئایار پاش ئەوەی وڵاتانی هاوردەکاری نەوت جارێکی دیکە بەرهەمیان کەمکردەوە، نرخی بەرمیلێک نەوت بەرزبووەوە و 0.47٪ هەڵکشا.

گرێبەستە دواخراوەکانی خامی برێنت-ی جیهانی بۆ 29.78 دۆلار بۆ یەک بەرمیل بەرز بووەوە و خاوی سووکی ئەمریکاش بەڕێژەی 1.08٪ هەڵکشا و گەیشتە 24.4 دۆلار بۆ یەک بەرمیل.

دوێنێ وەزارەتی وزەی سعودیە داوای لە کۆمپانیای ئارامکۆ کرد بەرهەمهێنان بەڕێژەی یەک ملیۆن بەرمیل کەمبکاتەوە.

هاوکات ئیماراتیش بەرهەمی خۆی بەڕێژەی 100 هەزار بەرمیل کەمکردەوە و کوێتیش بەبڕی 80 هەزار بەرمیلی رۆژانە بەرهەمهێنانی کەمکردەوە.