وردەکاری رووداوی ئاگرکەوتنەوەکەی پاڵاوگەی کەورگۆسک

SNNـ بڕیار محەمەد

وتەبێژی بەرگری شارستانی هەولێر ئاشکرای دەکات بەداخەوە 3 کەس گیانی لەدەستداوە و 2 کەسیش برینداربوون و سەرجەمیان کرێکاری خۆمانن وتیمێکی تایبەتیش بۆ لێکۆڵینەوە لەهۆکاری ئاگرەکە پێکهێندراوە.

سەرکەوت کاراش وتەبێژی پۆلیسی بەرگری شارستانی هەولێر لە کۆنگرەیەکی ڕۆژنامەنووسیدا رایگەیاند: ئاگادارکراینەوەی بەڕووداوێکی ئاگرکەوتنەوە لەپاڵاوگەی کەورگۆسک، دەست بەجێ تیمەکان گەیشتنە شوێنێکی ڕووداوەکە، بەداخەوە 3 کەس گیانی لەدەستداوە و 2 کەسیش برینداربوون و سەرجەمیان کرێکارن.

دەشڵێت، قوربانیەکان خەڵکی کوردن و لێکۆڵینەوە دەکرێ لەهۆکار و زیانەکان، پاڵاوگەکەش هەموو پێوەرە سەلامەتیەکانی تێدایە بەپێی ستانداردی جیهانی، دوای لێکۆڵینەوەش هۆکارەکە دەخرێتە ڕوو.

بەپێی زانیایەکانی SNNیش لە ئێستادا ناسنامەی سێ له قوربانیان ئاشکراکراوە و ئەگەری هەیە قوربانی تریش هەبێ، لەڕووداوەکەی ئەمرۆ لە پاڵاوگەی کەورگۆسک.