مووچەی نایاسایی زیاتر لە 10 هەزار مووچەخۆر بڕدرا

SNN

وەزارەتی دارایی و ئابووری بڵاویکردەوە، مووچەی نایاسایی زیاتر لە 10 هەزار کەسیان بڕیووە لەچوارچێوەی یاسای چاکسازیدا.

لە راگەیەندراوێکی وەزارەتەکەدا کە ئەمڕۆ دووشەمە بڵاوکراوەتەوە، ئاماژە بەوەدەکرێت: پاڵپشت بە یاسای چاكسازی ژمارە (2) ساڵی (2020) و پەیرەوی جێبەجێ كردنی یاسای چاكسازی لە مووچە و دەرماڵە و ئیمتیازاتەكان و خانەنشینی لە هەرێمی كوردستان بڕیاردرا بە ڕاگرتنی مووچە و خانەنشینی (10609) كە لە سیستەمی بایۆمەتری دووجار یان زیاتر تۆماركراوە وەك لە خشتەی خوارەوە هاتووە كە ژمارەیان (21588) بیست و یەك هەزار و پێنج سەد و هەشتا و هەشت دۆسیەیە بە نایاسایی مووچە وەردەگرن.
ئەوەش خراوەتەڕوو: هەر مووچەخۆرێك لەم بڕیارە زەرەرمەندبێت دەتوانێت لە ماوەیەكی دیاری كراودا لە ڕێگەی لایەنی پەیوەندیدار یان فەرمانگەكەی تانە لە بڕیارەكە بدات.