نوێنەری حکومەتی هەرێم لە بەغدا: ئومێد دەکەین بودجەی هەرێمەکان وەکخۆی پەسەند بکرێت

SNN

لیژنەی هەرێمەکان لە پەرلەمانی عێراق بە نووسراوێک داوەتنامەی داوەتە نوێنەری حکومەتی هەرێم لە بەغدا بۆ تاوتوێکردنی پرۆژەیاسای بودجەی ساڵی 2021.

فارس عیسا نوێنەری حکومەتی هەرێمی کوردستان لە بەغدا بە SNNی راگەیاند “نووسراوەکەیان بەدەست نەگەیشتووە، بەڵام ئەوان ئامادەن بچنە کۆبوونەوەکە و هیوایخواست بە ئەنجامێکی ئەرێنی بێنە دەر”.

وتیشی: “چاوەڕێدەکەن خوێندنەوەی دووەم بۆ پرۆژەیاسای بودجە بکرێت و پاش پەسەند کردنی بەبێ کێشە بودجەی پەرەپێدانی هەرێمەکان وەک ئەوەی لە حکومەتەوە نێردراوە بۆ پەرلەمانی عێراق پەسەند بکرێت”.

پێشتر فەرمانگەی راگەیاندنی ئەنجوومەنی نوێنەرانی عێراق رایگەیاندبوو “لیژنەی هەرێمەکان تاوتوێی شایستە داراییەکانی هەرێم و پارێزگاکانی کردووە”.