پێشنيارى كهمكردنهوهى نرخى دۆلار بهرامبهر دینار خراوهته بهردهم حكومهتى عێراق
دراوى 100 دۆلارى ئهمریكى | فۆتۆ: Dennis Hallinan / Alamy
SNN
ئهندامێكى لیژنهى نهوت و وزه له ئهنجوومهنى نوێنهرانى عێراق رایدهگهیهنێت: پێشنیارى دابهزاندنى نرخى دۆلارمان بهرامبهر دینار خستووهته بهردهم حكومهتى عێراق، دهشڵێت: “بههۆى كهمبوونهوهى كورتهێنانهوه دهكرێت نرخى دۆلار كهمبكرێتهوه”.
ئهمڕۆ پێنجشهممه بههادین نورى، ئهندامى لیژنهى نهوت و وزه له ئهنجوومهنى نوێنهرانى عێراق به میدیاكانى عێراقى راگهیاند: “له ئێستادا رێژهى كورتهێنان له پرۆژهیاساى بودجهى 2021ى عێراقدا بۆ كهمترین ئاست كه بهڕێژهى 57% دابهزیووه، بۆیه كاتى ئهوه هاتووه نرخى دۆلار بهرامبهر دینار دابهزێنرێت”.
وتیشى: “حكومهتى عێراق به دانى بڕیارێكى لهو شێوهیه له رابردوودا ههڵهیهكى گهورهى ئابوورى كرد به تایبهت كه بهبێ گهڕانهوه بۆ پهرلهمان ئهو كارهى كرد و بووه هۆى ئهو قهیرانهى كه ئێستا له بازاڕهكانى عێراقدا دروستبووه”.
ئهو ئهندامهى لیژنهى نهوت و وزه لهبارهى پێشنیارییان بۆ حكومهتى عێراق باس لهوهشدهكات: “له ئێستادا پێشنیارێكمان خستووهته بهردهم حكومهتى عێراق بۆ ئهوهى نرخى 100 دۆلار كهمبكهنهوه بۆ 135 ههزار دینار”.
لهبارهى ئهگهرى پهسهندكردنى پێشنیارهكهیانهوه بههادین نورى ئهوهش رووندهكاتهوه: “ئێمه داواكارییهكهمان خستووهته بهردهم حكومهت و له ئێستادا تاوتوێى دهكهن و ئێمهش چاوهڕێین، ههرچهند ئیشى پهرلهمان نییه نرخى دۆلار بگۆڕێت ئهوه ئیشى بانكى ناوهندى و حكومهته”.
له ماوهى رابردوودا مستهفا غالب، پارێزگارى بانكى ناوهندى عێراق به راوێژكارى حكومهتى عێراق و بهمهبهستى كهمكردنهوهى رێژهى كورتهێنان له پرۆژهیاساى بودجهدا بڕیاریدا نرخى 100 دۆلا بهرامبهر 147 ههزار دینار جێگیر بكات، واته نرخى دۆلارى بهشێوهیهكى بهرچاو بهرامبهر دینار بهرزكردهوه.
