جەواد زەریف: پێشتر سعودیە لە رێگەی سەدام حسێنەوە دەیویست ئێران لەناو ببات

SNN

محەمەد جەواد زەریف وەزیری دەرەوەی ئێران رایدەگەیەنێت “گەر لایەنی سعودی ئامادە بێت بۆ گفتوگۆ لەگەڵ ئێمە، دەستی تاران پێشتر و ئێستاش بۆ ئەوان درێژە و دەتوانن بێنە پێشەوە” دەشڵێت: “پیشتر سعودیە لە رێگەی سەدام حسێنەوە دەیویست ئێران لەناو ببات”.

زەریف لە لێدوانێکیدا بۆ رۆژنامەی هەمشەهری دەڵێت: “بە ریاز دەڵێین دەستی درێژ بکات بۆ تاران، بەدوای دەستی دەستکرددا نەگەڕێت، لەبەرئەوەی هیچی پێناکرێت”.

وتیشی: “ئەگەر سعودیە بڕیار بدات دەستی گفتوگۆ بۆ ئێران درێژ بکات، ئەوا ئێران هەمیشە و پێشتریش دەستی واڵا بووە بۆ دانوستاندن لەگەڵ هاوتا سعودییەکەیدا”.

وەزیری دەرەوەی ئێران وتیشی: “پیشتر سعودیە سەدامی دژی ئێمە بەکارهێنا، ئینجا ئەمریکا و ئێستاش دەیەوێت بە ئیسرائیل بمانترسێنێت و هەڕەشەمان لێدەکات”.

بەوتەی زەریف، پێشتر تاران پێشنیازی زۆری پێشکەشکردووە تا بچێتە سەر مێزی گفتوگۆ لەگەڵ وڵاتانی دیکە، بەڵام هەر وەک پێشنیاز ماونەتەوە و نەچوونەتە بواری جێبەجێکردنەوە.