” بەهای نەوت بگاتە 75 دۆلار کورتهێنان لە بودجەدا نامێنێت”

SNN

موزھر ساڵح، راوێژکاری ئابووری سەرۆک وەزیرانی عێراق رایگەیاند: بەرزبوونەوەی بەهای نەوت بۆ 75 دۆلار کورتھێنان لە بودجە نامێنێت و ئەو دۆخەی کە ئێستا عێراقی تێدایە چارەسەر دەبێت.

موزهر لە کۆنگرەیەکی رۆژنامەوانیدا ئاشکرای کرد: بۆ ئەوەی عێراق لەم دۆخی کورتهێنانی بودجەیە رزگاری ببێت پێویستە دووبارە بەهای نەوت بڕواتەوە 75 دۆلار، راستەخۆ کاریگەری ئەرێنی لەسەر بودجە دەبێت و کورتهێنانیش نامێنێت.

ئەوەشی روونکردەوە، لەسەرەتای ئەمساڵەوە بەردەوام نرخی نەوت رووی لەبەرزبوونەوە کردووە و بۆ ئەمڕۆ چوارشەممەش نرخی نەوتی برێنێت بەرزبوونەوەی بەخۆوە بینی و ھەر بەرمیلێک بە 63.58 دۆلار مامەڵەی پێوەکرا، ھاوکات نەوتی خاوی ئەمریکاش بەرزبووەوە و بە 60 دۆلار مامەڵەی پێوەکراوە.