44 كەس خۆیان بۆ پۆستی وەزیری نەوتی عێراق كاندید کردووە
وەزارەتی نەوتی عێراق
عەبدولئەمیر مەیاحی، ئەندامی ئەنجوومەنی نوێنەران لەسەر پارێزگای بەسرە رایگەیاندووە: تائێستا 44 کەس خۆیان بۆ پۆستی وەزیری نەوتی عێراق کاندید کردووە، دوای دەنگدان لەنێو پەرلەمانتارانی پارێزگاکە سێ کەس بۆ پۆستەکە یەکلادەکەنەوە و ناوەکانیان راده‌ستی مستەفا کازمی سەرۆک وەزیران ده‌كه‌ن.
پێشتر نوێنەرانی بەسرە لە پەرلەمان، هەڕەشەی بایکۆتکردنی دانیشتنی دەنگدان بە کابینەکەی کازمییان کردبوو، ئەگەر پۆستی وەزارەتی نەوت، پشکی پارێزگاکەیان نەبێت.
