ئەحمەد سەفار ” هیچ بابەتێکی هەڵپەسێردراو لە نێوان هەولێر و بەغدا نەماوە”

SNN

ئەحمەد سەفار، بڕیاردەری لیژنەی دارایی لە ئەنجوومەنی نوێنەرانی عێراق رایگەیاند: هەرێم و بەغدا نزیکن لە رێککەوتنەوە و هیچ بابەتێکی هەڵپەسێردراو لە نێوان ئەو دوو لایەنەدا نەماوە.

ئەو ئەندامەی لیژنەی دارایی لە لێدوانێکیدا بە میدیاکانی راگەیاند: پاش کۆبوونەوەی چەندجاری شاندی هەرێم و بەغدا، خەریکە دەگەنە یەک رێککەوتن و هیچ کێشەیەک بە هەڵپەسێردراو لە نێوان هەردوولادا نەماوە کە باسی لەسەر نەکرابێت، تەنیا ئەوە ماوە کە بگەنە رێککەوتن و رەشنوسێک دارێژن لەسەر پرۆژەیاسای بودجەی 2021ی عێراق.

سەفار ئەوەشی وت” زانیاری هەیە کە سبەی شاندی هەرێم دووبارە بێتەوە بەغدا و لەسەر کۆتا رەشنووس رێککەوتن ئەنجامبدەن، لەم هەفتەیەدا پەرلەمانی عێراق کۆببێتەوە تا پرۆژەیاسای بودجەی 2021ی عێراق بە زۆرینەی دەنگ تێپەڕێنن”.